Travel Informations

Travel Informations
전국의 가 볼 만한 여행지들을 소개합니다.
1681 | 5940968

ខេត្តយែសាន ឈុងណាម 예산 - (Travel Info Korea)
 | Travel Info
Last Modified : 2017/02/19

Travel regions : South Korea
 | Hits : 236071
https://blog.lookandwalk.com/en/blog/greenwood/1623/trackback

ស្រុកយែសានគឺជាស្រុកមួយដែលមានទីតាំងស្ថិតនៅទិសបច្ចឹមនៃខេត្តឈុងឆងណាមរបស់ប្រទេសកូរ៉េខាងត្បូង ដែលវាឆ្លងកាត់តាមផ្លូវជាតិថាំងជីនយ៉ងតុក។ វាមានប្រឡាយទឹកដែលធំជាងគេបង្អស់នៅក្នុងប្រទេសកូរ៉េដែលមានឈ្មោះថា ប្រឡាយយែតាំង ហើយវាបានធ្វើអោយតំបន់វាលទំនាបនៅយែតាំងក្លាយជាតំបន់ដីដែលមានជីជាតិសំរាប់ដាំដំណាំ។ នៅឆ្នាំ២០១២ គេបានលើកយកទីស្តីការរបស់ខេត្តឈុងឆងណាមនិងទីភ្នាក់ងារប៉ូលីសខេត្តឈុងណាមទៅដាក់នៅទីក្រុងនែប៉ូដែលនៅជិតឃុំសាប់ក្យូ។ សាលាខេត្តរបស់វាមានទីតាំងនៅក្នុងឃុំយែសាន ហើយ តំបន់រដ្ឋបាលរបស់វាគ្រប់គ្រងទៅលើឃុំចំនួន២និងភូមិចំនួន១០។ (មានប្រភពដើមយកមកពីវីគីភីឌៀៈ http://ko.wikipedia.org/wiki/예산군)



វត្តស៊ូតុក


មានវត្តមួយដែលមានឈ្មោះថាវត្តស៊ូតុកដែលស្ថិតនៅលើភ្នំតុកស៊ូងដែលជាភ្នំដែលគេដាក់រហ័សនាមថាជាភ្នំគឹមកាំងតូចរបស់ខេត្តឈុងឆងណាម។ វត្តនេះជាវត្តមួយដែលបានបន្សល់ទុកពីសម័យពែកជែ ហើយក៏គ្មានកំណត់ត្រាច្បាស់អំពីការសាងសង់របស់វាទេ ប៉ុន្តែគេបានរកឃើញនូវសសរដែលធ្វើនៅក្នុងរជ្ជកាលពែកជែនៅក្នុងបរិវេណវត្តនោះ។ វិហារធំរបស់វត្តស៊ូតុកបានចុះជាសម្បត្តិបេតិកភ័ណ្ឌជាតិលេខ ៤៩ហើយសំណង់នេះគឺជាសំណង់ដែលបានបង្កើតក្នុងរជ្ជកាលកូរីយ៉ ដែលវាមើលទៅជាសំណង់ដែលធ្វើពីឈើដែលមានរូបរាងស្អាតដាស់គេ។



កម្មវិធីស្នាក់នៅក្នុងវត្តស៊ូតុក / រយៈពេល ១យប់២ថ្ងៃ

ថ្លៃបង់ចូលរួមកម្មវិធីៈ កន្លែងសម្រាក ៤០ដុល្លារ(ក្មេង ២០ដុល្លារ) កម្មវិធី (អាចប្រែប្រួលទៅតាមកាលៈទេសៈ)

Map


អាស័យដា្ឋនៈ ២០ប៉នជី ភូមិសាឆន ឃុំតុកសាន ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣០ ៧៧៨៩

គេហទំព័រៈ http://www.sudeoksa.com





សារៈមន្ទីរហាន់គូកកូឆនឈូក


គេបានបង្កើតនូវសារៈមន្ទីរមួយសម្រាប់រំលឹកដល់អ្នកវិស្វករជាងឈើសម័យបុរាណគឺលោក ឆនហ៊ឹងស៊ូដែលគេបានចាត់ទុកគាត់ជាបេតិកភណ្ឌវប្បធម៌ឥតរូបរាង ដែលមានទីតាំងស្ថិតនៅក្នុងភូមិធែថូង ឃុំតុកសាន ស្រុកយែសាន។ កន្លែងតាំងពិពណ៌បែងចែកជាបីផ្នែក ដែលរួមមាន វត្ត ប៉ម និង រូបព្រះពុទ្ធបដិមាករ ពីរជ្ជកាលសាមគូកដល់រជ្ជកាលចូសន ហើយធ្វើវាជារូបតូចៗ ដែលមានចំនួន១៥០បានដាក់បង្ហាញនៅទីនោះ។



Map


អាស័យដា្ឋនៈ ហុងតុកសររ៉ូ ៥៤៣ ឃុំតុកសាន ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣៧ ៥៨៧៧

គេហទំព័រៈ http://www.ktam.or.kr/

តម្លៃសំបុត្រចូលៈ មនុស្សធំ (៣ដុល្លារ) សិស្ស (២ដុល្លារកន្លះ) ក្មេង (១ដុល្លារកន្លះ)





កន្លែងប្រវត្តិសាស្រ្តរបស់អ្នកតស៊ូដើម្បីយុត្តិធម៌យូនប៉ូងគីល


គេបានធ្វើកន្លែងសក្ការៈបូជាដល់ អ្នកតស៊ូយូន (១៩០៨ ដល់ ១៩៣២) ដែលមានតាំងនូវរូបភាពរបស់គាត់នៅទីនោះ ហើយបើយើងឆ្លងផ្លូវដែលនៅទល់មុខទីនោះនឹងមានផ្ទះមួយដែលជាផ្ទះកំណើតរបស់គាត់ដែលគាត់បានរស់នៅតាំងពីអាយុ៤ឆ្នាំរហូតដល់ពេលភាសខ្លួនទៅនៅប្រទេសចិន។ ហើយមានទីសក្ការៈបូជា និង រូបសំណាករបស់គាត់តំកល់នៅទីនោះផងដែរ។ នៅក្នុងទីសក្ការៈបូជា មានតាំងនាឡិកាដែលគាត់បានប្រើកាលពីគាត់នៅទីក្រុងសៀងហៃប្រទេសចិន ព្រមទាំងរបស់របរដែលគាត់ធ្លាប់ប្រើកាលពេលគាត់នៅរស់និង សៀវភៅដែលគាត់បានសរសេរ។



Map



អាស័យដា្ឋនៈ តុកសានអ៊ូនឆនរ៉ូ ១៨៣-៥ ឃុំតុកសាន ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣៩ ៨២៣៣

គេហទំព័រៈ www.chunghyo.net/choong

តម្លៃសំបុត្រចូលៈ មនុស្សធំ (៤០០០៛) សិស្ស (២០០០៛) ក្មេង (១០០០៛)





កន្លែងទឹកផុសពីក្នុងដីតុកសាន


ទឹកផុសនៅខេត្តឈុងឆងណាមមានដូចជា ទឹកផុសអូនអាំង ទឹកផុសកូតូ ហើយនឹងទឹកផុស តុកសាន។ មានតំណាលថា ទឹកផុសតុកសាននេះកាលពីសម័យបុរាណឆ្នាំ៥០០ វាបានព្យាបាលរបួសសត្វកុកមួយអោយបានជាសះស្បើយ។ ទឹកផុសតុកសានមានសារជាតិអាល់កាលីន និងជាតិវិទ្យុសកម្មបន្តិចបន្តួចដែលមានប្រយោជន៍ដល់ដងខ្លួនរបស់មនុស្ស ហើយទឹកនៅទីនោះមានសីតុណ្ហភាព ៤៥អង្សារសេ ដែលក្នុង១ថ្ងៃ វាបញ្ចេញទឹកផុសចំនួន២០០០តោន។




អាស័យដា្ឋនៈ អ៊ីលវ៉ន ឃុំតុកសាន ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣៩ ៨៩៣០

គេហទំព័រៈ http:/www.yesan.go.kr/





កន្លែងរមនីយដ្ឋានយែដាន់

នៅក្នុងឆ្នាំ១៩៦២ គេបានបង្កើតនូវប្រឡាយទឹកដែលធំជាងគេបំផុតនៅក្នុងប្រទេសកូរ៉េ នៅក្នុងតំបន់យែតាំង ដែលវាគឺជាកន្លែងផ្ទុកទឹកដ៏សំខាន់មួយនៅក្នុងតំបន់កណ្តាល។ មានផ្ទាំងគំនូរបុរាណមួយផ្ទាំងធំ ដែលបានបង្ហាញពីទឹកដ៏សែនត្រជាក់ និង ភ្នំ ដែលមានផ្ទៃមេឃស្រស់ស្អាតដ៏ធំល្វឹងល្វើយ ព្រមទាំងបង្ហាញពីការប្រួលប្រែនៃរដូវទាំង៤ដែលនៅជិតបឹងនោះមាន ផ្កា ដើមឈើ ចំហាយទឹក ដែលមើលទៅដូចជារូបភាពមួយដែលរស់រវើកអញ្ចឹង។


អាស័យដា្ឋនៈ ភូមិហ៊ូសា ឃុំអ៊ឹងប៉ូង ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣៩ ៧៣១២

គេហទំព័រៈ http://www.yesan.go.kr/



ទីក្រុងយឺតធែហ៊ឹង

ដោយសារតែមានចលនាដែលនៅភូមិមួយក្នុងប្រទេសអ៊ីតាលីដែលប្រជាជនក្នុងភូមិនោះបានចាប់ផ្តើមរស់នៅដោយភាពមិនភាពប្រញាប់ប្រញាល់ ដែលធ្វើអោយអ្នកភូមិនេះបានអនុវត្តតាមចលនានោះដើម្បីរក្សានូវបរិស្ថានធម្មជាតិនិងប្រពៃណីបុរាណរបស់តំបន់នេះ។ ដោយមានការកោតសរសើរដល់ វប្បធម៌បុរាណ ព្រមទាំងសិល្បៈ ដ៏មានតម្លៃនៅក្នុងតំបន់យែសានធែហ៊ឹងនេះ គេបានដាក់ងារវាថាជា ស្លូស៊ីធីទី៦ នៅក្នុងប្រទេសកូរ៉េ។



Map

អាស័យដា្ឋនៈ ផ្លូវជុងរី ៤៩ ឃុំធែហ៊ឹង ស្រុកយែសាន ខេត្តឈុងឆនណាម

ទូរស័ព្ទលេខៈ ០៤១ ៣៣១ ៣៧២៧

គេហទំព័រៈ http://www.slowcitydh.com/




  • កម្មវិធីដកបទពិសោធន៍ការរស់នៅជនបទ

ផ្តល់ជូននូវកម្មវិធីជាច្រើនប្រភេទដែលអាចមកសាកល្បងក្នុងការរស់នៅជាមួយនឹងអ្នកនៅជនបទនិងការងារនៅជនបទ

-មានវគ្គរយៈពេលខ្លីវគ្គរយៈពេលល្មមវគ្គរយៈពេលវែង

  • សាលាធម្មជាតិថាន់ភែងី

ស្រាវជ្រាវអំពី ស្លូស៊ីធីធែហ៊ឹង, ការគូរគំនូរ និង ការបង្កើតទឹកសម្រាប់គូរគំនូរដែលធ្វើពីដី, សិល្បៈបែបធម្មជាតិ,

  • ផ្លូវខ្វាត់ខ្វែង នឹរីន

-ខ្សែផ្លូវទីមួយៈ មជ្ឈមណ្ឌលអ្នកមកទស្សនា→ខ្វានរ៉ូកឈែធឹល→ព្រៃធម្មជាតិប៉ូងស៊ូសាន→អគាររដ្ឋាភិបាលសម័យបុរាណ(ចម្ងាយ៥.១គីឡូម៉ែត្រ/ចំណាយពេល ៩០នាទី)

-ខ្សែផ្លូវទីពីរៈមជ្ឈមណ្ឌលអ្នកមកទស្សនា→អគាររដ្ឋាភិបាលសម័យបុរាណ→ផ្ទះរបស់អ៊ីហាក់ជីន (ចម្ងាយ ៤.៦គីឡូម៉ែត្រ/ចំណាយពេល ៦០នាទី)

-ខ្សែផ្លូវទីបីៈ មជ្ឈមណ្ឌលអ្នកមកទស្សនា→ផ្ទះរបស់អ៊ីហាក់ជីន→សាលារៀនបុរាណធែហ៊ឹង→ទីឆ្លាសក្ការៈបូជាសាមស៊ីនតាំង→រូបសំណាកលោកតាម៉ាងទែ(ចម្ងាយ៣.៣គីឡូម៉ែត្រ/ចំណាយពេល៥០នាទី)



ផ្លូវទៅកាន់កន្លែងបរិស្ថានវិទ្យា នៅភ្នំខាយ៉ា / ផ្លូវដ៏ស្រស់បំព្រងនៃសម័យពែកជែ

ផ្លូវសំរាប់ទៅកាន់កន្លែងបរិស្ថានវិទ្យា ដែលភា្ជប់រវាង ភូមិស៊ីរ័ង ឃុំតុកសាន ស្រុកយែសាន ជាមួយនឹង ភូមិយ៉ូងហ្យន ឃុំអ៊ូនសាន ទីក្រុងសរសាន មានចម្ងាយ ៦.៥៤គីឡូម៉ែត្រ ដែលធ្វើដំណើរតាមផ្លូវធម្មតាមានចំងាយត្រឹមតែ ៣.៤២គីឡូម៉ែត្រ។ យើងអាចទៅមើលនូវបេតិកភណ្ឌវប្បធម៌ បែបធម្មជាតិដ៏ស្រស់ស្អាត និង បេតិកភណ្ឌដែលមានប្រវត្តិសាស្រ្តរាប់ពាន់ឆ្នាំនៅលើភ្នំខាយ៉ា ដែលមានដូចជាផ្នូរជីតារបស់ស្តេចហ៊ឹងសន ដែលមានឈ្មោះថាណាមយ៉ន កន្លែងលំហែកាយធែមូនដុង សួនរុក្ខជាតិរបស់ភ្នំខាយ៉ា ឧទ្យានដ៏ស្រស់បំព្រងពែកជែ ទីធ្លារបស់វត្តប៉ូវ៉ន និងរូបបដិមាកររបស់ព្រះពុទ្ធ។


អាស័យដ្ឋានៈ ភូមិយ៉ូងហ្យន ឃុំអ៊ូនសាន ទីក្រុងសរសាន - ភូមិស៊ីរ៉ាំង ឃុំតុកសាន ស្រុកយែសាន ខេត្តឈុងឆនណាម






ពិធីបុណ្យនិយាយអំពីរឿងរ៉ាវចាស់របស់ស្រុកយែសាន

មានការនិយាយពីរឿងព្រេងរបស់ស្រុកយែសានដែលនៅក្នុងនោះនិយាយអំពីទេសភាពធម្មជាតិរបស់បឹងយែតាំង រួមនឹងទេសភាពដ៏ស្រស់ស្អាតនៃផ្ទៃមេឃ។

ហើយគេក៏បានប្រារព្ធពិធីជាច្រើនដែលមានដូចជា ការប្រលងរបាំវាយស្គរ ការប្រលងក្នុងការនិយាយរឿងព្រេង និងមានប្រលងសរសេរតែងសេចក្តីសម្រាប់សិស្សវិទ្យាល័យទូទាំងប្រទេស។


អាស័យដា្ឋនៈ ០៤១ ៣៣២ ៥៤៣២

គេហទំព័រៈ www.yesanstory.com





ពិធីបុណ្យផ្លែប៉ោមហ្យាងតូនៅយែសាន

ផ្លែប៉ោមនៅក្នុងតំបន់ហុងបូនិងយែសានមានរសជាតិឆ្ងាញ់ជាងគេនៅក្នុងប្រទេសកូរ៉េ។ ហេតុនេះហើយចាប់តាំងពីឆ្នាំ ១៩៨៣មក នៅរៀងរាល់ចុងខែតុលា គេមានប្រារព្ធពិធីបុណ្យដើម្បីលើកស្ទួយដល់វិស័យសិល្បៈនិងវប្បធម៌ ដែលនៅក្នុងកំឡុងពេលពិធីបុណ្យមានការវាយតំលៃទៅលើផ្លែប៉ោមនិងផ្លែសារី ការប្រលងបវរកញ្ញាផ្លែប៉ោម ការទៅបេះផ្លែប៉ោម ការសាកល្បងស្រាដែលធ្វើពីផ្លែប៉ោម និងមានកម្មវិធីជាច្រើនទៀតដែលមានការទាក់ទងនឹងផ្លែប៉ោម។


ទូរស័ព្ទលេខៈ ០៤១ ៣៣៩ ៧៥៨២

គេហទំព័រៈ yesan.go.kr/culture


ភូមិយែសានសាមពែគីលសាម

ភូមិបុរាណយែសានសាមពែគីលសាមគឺជាភូមិមួយដែលអាចធ្វើអោយយើងដឹងពីអារម្មណ៍ដ៏ល្អនិងការរស់នៅប្រចាំថ្ងៃនៅទីជនបទ ដែលប្រជាជននៅទីនោះបានប្រើនូវវិធីបុរាណក្នុងការបង្កើតនូវក្រណាត់ដែលធ្វើឡើងពីក្រចៅ។ យើងអាចទៅមើលដោយផ្ទាល់បាននូវការធ្វើក្នើយ សំលៀកបំពាក់ ភួយ និងក្រណាត់ ដែលធ្វើឡើងពីដៃផ្ទាល់ដោយមានការយកចិត្តទុកដាក់និងមានភាពលំអិត។ ហើយយើងអាចសាកល្បងក្នុងការយកពណ៌លក្ខមកជ្រលក់ទៅលើក្រណាត់ដោយផ្ទាល់ទៀតផង។

អាស័យដា្ឋនៈ ភូមិស៊ីនហ៊ឹង ឃុំខ្វាងស៊ី ស្រុកយែសាន ខេត្តឈុងឆនណាម

គេហទំព័រៈ http://sambea.go2vil.org/





ភូមិអាល់ថូរ៉ានសាខ្វា

នៅតំបន់ជាយនៃវាលទំនាបនែប៉ូមានភូមិមួយដែលមានឈ្មោះថាភូមិផ្លែប៉ោមអាល់ថូរ៉ានដែលមានទីតាំងស្ថិតនៅជើងភ្នំ ដែលប្រជាជននៅទីនោះបានដាំផ្លែប៉ោមនិងផ្លែសេរី ហើយផ្លែប៉ោមនៅភូមិនោះមានឈ្មោះល្បី។ ហើយគេបានរៀបចំកម្មវិធីជាច្រើនដែលយើងក៏អាចសាកល្បងជាមួយនឹងសកម្មភាពដូចជា ការបេះផ្លែប៉ោម ការប្រមូលស្លឹកឈើព្រៃ និង ការបណ្តុះនូវលំអងរបស់ផ្ការបស់ផ្លែប៉ោម។

អាស័យដា្ឋនៈ ភូមិអ៊ូនកូក ភូមិអ៊ឹងបូង ស្រុកយែសាន ខេត្តឈុងឆនណាម

គេហទំព័រៈ www.rtoran.kr




チュンナム, イェサン, 알토란사과마을, 예산삼베길쌈마을, 예산옛이야기축제, 예산황토사과축제, 가야산생태탐방로, 백제의미소길, 슬로시티대흥, 예당관광지, 덕산온천, 윤봉길의사사적지, 한국고건축박물관, 수덕사, Altoran, apple, village, Yesanhemp, cloth, Yesan, old, story, festival, red, clay, Gayasan, Mountain, Culture, and, Eco, Trail, Baekjes, misogil, slowcity, Daeheung, Yedang, tourist, destination, Deoksan, Spa, Tourist, Site, Yun, BongGil, the, Martyr, Historic, Korea, Traditional, Architecture, Museum, Sudeoksa, Temple
One line comment(0) 
PDF
Bookmark
E-mail
0bytes / 200bytes
View list