Holiday Journal

Holiday Journal
Hi, Lets look around cool places in Korea together with me! :)
5505 | 17933195

ខេត្តឆាងហ៊ឹង, ព្រៃដើមស្រល់ឆងណាមឈីន - (Korea Tour)
 | Holiday Journal
Last Modified : 2017/03/23

Travel regions : South Korea
 | Hits : 252719
https://blog.lookandwalk.com/km/blog/mazinguide/1886/trackback

ព្រៃកំសាន្តបែបធម្មជាតិ, ព្រៃដើមស្រល់ឆងណាមឈីន



នៅក្នុងរដូវដ៏ក្តៅនេះ ខ្ញុំមានអារម្មណ៍ថាពិបាកដកដង្ហើមនៅគ្រប់ពេលដែលខ្ញុំធ្វើដំណើរ។ ជាធម្មតា យើងគិតថាផ្លូវដែលល្អបំផុតក្នុងការសំរាលនូវភាពស្មុគស្មាញនេះគឺការបើកកង្ហារហើយញ៉ាំផ្លែឪឡឹកមួយចំនិតប៉ុន្តែវាប្រហែលជាល្អជាងនេះបើយើងរៀបចំម្ហូបអាហារខ្លះយកទៅញ៉ាំនៅក្នុងព្រៃនោះ។ ដូច្នេះហើយលើកនេះខ្ញុំបានទៅលេងនៅឯព្រៃកំសាន្តបែបធម្មជាតិ ព្រៃដើមស្រល់ឆងណាមឈីន ដែលវាគឺជាស្រុកកំណើតរបស់ខ្ញុំ។


វាមានទីតាំងនៅជើងភ្នំអុកប៊ូលសានហើយខ្ញុំក៏មិនធ្លាប់គិតថាព្រៃមួយនេះនឹងមានឈ្មោះល្បីថាជាព្រៃកកំសាន្តធម្មជាតិនៅពេលដែលខ្ញុំនៅក្មេង។ ខ្ញុំចាំយ៉ាងស្រពិចស្រពិលថាវាគឺជាព្រៃក្រាស់មួយដែលមានដើមឈើធំៗជាច្រើន។ ទាយមើលថាចំពោះក្មេងវិញតើវាធំប៉ុណ្ណា។


ព្រៃកំសាន្តបែបធម្មជាតិ ព្រៃដើមស្រល់ឆងណាមឈីនក៏មានផ្តល់ជូននូវកន្លែងសម្រាប់គេងដែលរូមមានផ្ទះកូរ៉េបែបបុរាណ ផ្ទះធ្វើពីដីអិដ្ឋ នឹងផ្ទះដែលធ្វើពីឈើ ព្រមទាំងមានមជ្ឈមណ្ឌលវប្បធម៌ធ្វើឈើដែលជាកន្លែងមួយដែលអ្នកអាចរៀននឹងសាកល្បងធ្វើវប្បធម៌ធ្វើឈើរបស់ប្រទេសកូរ៉េ។ ហើយក៏មានមជ្ឈមណ្ឌលសាកល្បងនូវស្ថាបត្យបរិស្ថានវិទ្យាដែលជាកន្លែងសម្រាប់អ្នកក្នុងការពិនិត្យសុខភាព ព្រៃដើមស្រល់សម្រាប់ព្យាបាលដែលជាកន្លែងដែលអ្នកអាចសម្រាកនិងកាត់បន្ថយនូវភាពស្មុគស្មាញហើយនៅពេលជាមួយគ្នាអ្នកក៏អាចព្យាបាលជំងឺដូចជាជំងឺអាឡឺជី។ បន្ទប់ដើមស្រល់អំបិលគឺជាកន្លែងដែលអ្នកអាចសាកល្បងដោយផ្ទាល់ឬក៏មកមើលនូវប្រសិទ្ធភាពនៃការព្យាបាលដោយប្រើអំបិល។ មជ្ឈមណ្ឌលសិប្បកម្មឈើឆនណាមគឺជាកន្លែងដែលអ្នកអាចរៀនពីការបង្កើតនូវគ្រឿងសង្ហារឹមនិងទិចនិចក្នុងការបង្កើតនឹងលក់នូវសិប្បកម្មឈើដែលធ្វើពីឈើរឹងរបស់ដើមស្រល់និងឈើដទៃទៀត។ លើសពីនេះទៅទៀតក៏មានផ្លូវដើរដែលមានកំទិចឈើដែលវាជាកន្លែងសម្រាប់មនុស្សនិងជនពិការមកដើរកំសាន្តនៅតាមផ្លូវមួយដែលក្រាលឈើរបស់ព្រៃស្រល់ដែលអាចនាំយើងទៅដល់កំពូលភ្នំអុកប៊ូលដោយមិនចាំបាច់ដើរសូម្បីតែមួយជំហ៊ាន។


ផ្លូវចូលទៅកាន់ព្រៃកំសាន្តបែបធម្មជាតិ ព្រៃដើមស្រល់ឆងណាមឈីន។
មុនពេលដែលពួកគេបានចាប់ផ្តើមប្រមូលលុយថ្លៃចូល ខ្ញុំអាចបើកឡានចូលទៅក្នុងច្រកចូលនេះបានប៉ុន្តែលើកនេះខ្ញុំត្រូវចតឡានរបស់ខ្ញុំនៅឯផ្លូវចូលវិញ។



ដើរបន្តិចពីកន្លែងចតឡាន អ្នកនឹងឃើញមានកន្លែងលក់សំបុត្រចូល។



តម្លៃសំបុត្រចូលនោះគឺ ២០០០រៀលសម្រាប់ក្មេង និង ២ដុល្លារសម្រាប់មនុស្សពេញវ័យ ដែលវាមិនថ្លៃទេ។



ខ្ញុំកើតនៅឆាងហ៊ឹងនេះប៉ុន្តែសព្វថ្ងៃនេះខ្ញុំកំពុងរស់នៅក្នុងទីក្រុងក្វាងជូដូច្នេះហើយខ្ញុំក៏ត្រូវបង់លុយថ្លៃចូលដែរ។ បើសិនជាអ្នកមានអត្តសញ្ញាណបណ្ណ័ដែលអាចបញ្ជាក់ថាអ្នកគឺជាអ្នកដែលរស់នៅឆាងហ៊ឹងនេះអ្នកអាចចូលទីនេះបានដោយមិនបង់ប្រាក់។



ពេលដែលយើងដើរផុតកន្លែងលក់សំបុត្រហើយ យើងអាចដើរត្រង់ទៅខាងឆ្វេងទៅតាមផ្លូវដែលក្រាលឈើមួយដែលត្រូវបានគេថែរក្សាយ៉ាងល្អឬក៏ដើរទៅខាងស្តាំទៅតាមផ្លូវនៅក្នុងព្រៃ។

ខ្ញុំគិតថាផ្លូវក្រាលឈើគឺធ្វើឡើងសម្រាប់មនុស្សដែលប្រើរទេះរុញឬក៏មនុស្សដែលមានការលំបាកក្នុងការធ្វើដំណើរ។



ការធ្វើដំណើរនៅក្នុងព្រៃវាបានរំលឹកខ្ញុំទៅដល់កុមារភាពរបស់ខ្ញុំ។

នេះវាធ្លាប់ជាកន្លែងដែលស្ងប់ស្ងាត់មួយដែលមានមនុស្សមិនច្រើនទេ ហើយនៅម៉ោងនេះដោយសារតែអ្នករាល់គ្នាមិនមានសមត្ថភាពក្នុងការប្រើប្រាស់ភ្លើងអគ្គិសនីដូច្នេះហើយវាមានសភាពងងឹតព្រមទាំងគួរអោយខ្លាចនៅពេលយប់ឡើង។


ដើរទៅតាមផ្លូវព្រៃឬក៏ផ្លូវក្រាលឈើទៅអ្នកនឹងឃើញនូវច្រកចូលទៅកាន់ព្រៃដើមស្រល់។

នៅពេលដែលពួកគេមិនទារប្រាក់ទេនោះយើងអាចចតឡាននៅទីនេះហើយចូលទៅបាន។

ទោះបីជាថ្លៃសំបុត្រចូលមិនថ្លៃក៏ដោយ ក៏ខ្ញុំមានអារម្មណ៍មិនសប្បាយចិត្តដែរក្នុងការបង់ថ្លៃចូលទៅក្នុងព្រៃដើមស្រល់ដែលជាកន្លែងដែលខ្ញុំធ្លាប់មកលេងពេលណាក៏បានដើរ។



ទីនេះមានទីតាំងស្ថិតនៅជើងភ្នំអុកហ៊ឹងដូច្នេះហើយវាជាទូទៅត្រូវបានគេប្រើជាផ្លូវសម្រាប់ធ្វើដំណើរផងដែរ។ មានមនុស្សខ្លះបានមកលេងនៅព្រៃដើមស្រល់នេះដោយពាក់សំលៀកបំពាក់ស្តើង ហើយអ្នកខ្លះទៀតចូលចិត្តមកដើរឡើងភ្នំជាក្រុម។



មានកន្លែងតូចៗនៅទីនេះនិងនៅទីនោះទៀតសម្រាប់ឈប់សម្រាក។

ខ្ញុំគិតថាវាពិតជាគំនិតល្អមួយក្នុងការយកកំរាលក្រាលមួយមកព្រមទាំងមានអាហារបន្តិចបណ្តួចមកញ៉ាំ ហើយសម្រាកនៅទីនេះ។

អង្គុយនៅក្នុងព្រៃដែលមានអារម្មណ៍ត្រជាក់ស្រួលព្រមទាំងមានការជជែកគ្នារួមទាំងមានម្ហូបសម្រាប់ញ៉ាំពិតជាអ្វីដែលខ្ញុំចូលចិត្តមែន។



នេះគឺជាប្តីប្រពន្ធមួយគូរដែលខ្ញុំបានជួបនៅក្នុងព្រៃ។

ប្រពន្ធបានដោះស្បែកជើងចេញនៅពេលដែលនាងបានមកដល់ព្រៃស្រល់នេះភ្លាម។

នាងនិយាយថាយើងត្រូវស្រូបយកនូវឥទ្ធិពលនៃទឹកដីនេះហើយបានដើរសំដៅទៅក្នុងព្រៃដោយបាតជើងទទេរ។ ផ្កាបានកំពុងតែរីកនៅក្នុងព្រៃនេះ។



បន្តដើរតាមផ្លូវព្រៃស្រល់នេះទៅ



អ្នកនឹងឃើញនូវមជ្ឈមណ្ឌលវប្បធម៌សាកល្បងសិប្បកម្មឈើរបស់ព្រៃដើមស្រល់ឆងណាមជីននៅចំកណ្តាល។



អ្នកក៏អាចឃើញមាននូវរូបតុក្កតាឈើមួយដែលគួរអោយស្រលាញ់និងប្រអប់ផ្ញើរសំបុត្រយឺតមួយនៅឯច្រកចូល។

វាមិនមានការលំបាកក្នុងការស្វែងរកនូវប្រអប់ផ្ញើរសំបុត្រយឺតនៅពេលដែលយើងកំពុងធ្វើដំណើរកំសាន្តនៅពេលថ្មីៗនេះ។



បើតាមអ្វីដែលខ្ញុំបានលឺនោះ បើសិនជាអ្នកសរសេរសំបុត្រមួយហើយដាក់វានៅទីនោះ វានឹងត្រូវបានគេផ្ញើរទៅដល់គោលដៅបន្ទាប់ពីរយៈពេលមួយឆ្នាំក្រោយ។

ដូច្នេះហើយបើសិនជាអ្នកសរសេរនូវរឿងអ្វីដែលអ្នកមាននៅក្នុងចិត្តទៅអោយមនុស្សម្នាក់ដែលអ្នកស្រលាញ់នោះ វានឹងត្រូវបានគេផ្ញើរទៅបន្ទាប់ពីរយៈពេលមួយឆ្នាំក្រោយមក ហើយ នេះពិតជាបទពិសោធន៍មួយដ៏ល្អសម្រាប់អ្នក។



នៅក្នុងមជ្ឈមណ្ឌលវប្បធម៌សាកល្បងសិប្បកម្មឈើ អ្នកអាចឃើញមានការពន្យល់ពីដើមឈើនានា និងមានកន្លែងសម្រាប់ធ្វើការដកពិសោធន៍។






វាគឺជាមជ្ឈមណ្ឌលសាកល្បងមួយប៉ុន្តែវាមានរបស់ពីរបីប៉ុណ្ណោះសម្រាប់ធ្វើការដកពិសោធន៍ វាគ្រាន់តែជាកន្លែងតាំងពិពណ៌មួយប៉ុណ្ណោះ។



អ្នកក៏អាចមករីករាយក្នុងការមកទស្សនាព្រៃដើមស្រល់នេះជាក្រុមបានដែរ។

វាមានឆាកតូចមួយដែលមានកៅអីមួយចំនួននឹងវេទិការ ដែលវាមើលទៅគឺជាកន្លែងដ៏ល្អមួយក្នុងការធ្វើបទបង្ហាញផងដែរ។

ខ្ញុំក៏ជឿជាក់ថាអ្នករាល់គ្នាអាចបង្ហាញនិងចែករំលែកនូវរឿងដែលល្អៗនិងស្មោះត្រង់នៅទីនេះជាងនៅក្នុងបន្ទប់ម៉ាស៊ីនត្រជាក់។


កន្លែងសម្រាកនៅក្នុងព្រៃដើមស្រល់



មានបន្ទប់ទឹកមួយដែលគេហៅថា អរសងឆូ ហើយវាបានដាក់ឈ្មោះថាដូច្នេះដោយសារតែស្លឹកនៃស្មៅនេះធំក្លិនដូចជាត្រីអញ្ចឹង។

ដោយសារតែវាត្រូវបានគេដឹងថា មានអត្ថប្រយោជន៍ដល់ផ្ទៃមុខ ជំរុញនូវប្រពន្ធ័សសៃឈាម ព្រមទាំងកំចាត់ជាតិពុល ដូច្នេះហើយទើបមានផលិតផលជាច្រើនដែលបានបង្កើតឡើងដែលរួមមាន សាប៊ូដុសខ្លួនអរសងឆូ ឡេសម្រាប់លាបមុខអរសងឆូ ប្រេងរឹតអរសងឆូ ។ល។


វាពិតជាល្អណាស់បើសិនជាអ្នកលូកជើងរបស់អ្នកដាក់ទៅក្នុងនោះមួយស្របក់ទៅ។



មានផ្លូវកំទេចឈើមួយនៅក្នុងព្រៃ ហើយផ្ទៃដែលទន់និងងាយស្រួលនេះបានធ្វើអោយខ្ញុំមានអារម្មណ៍ល្អមែនទែន។

នៅពេលដែលអ្នកដើរដោយជើងទទេរវិញ អ្នកអាចមានអារម្មណ៍ថាស្រួលមែនទែន។ វាពិតជាល្អបំផុតបើសិនជាអ្នកមកដើរនៅលើផ្លូវដែលមានកំទេចឈើនេះហើយដាក់ជើងរបស់អ្នកឯងទៅក្នុងទឹកអរសងឆូទៀតនោះ។


នោះគឺជាគូរស្វាមីភរិយាមួយគូរដែលកំពុងតែរីករាយជាមួយនឹងពេលលំហែរកាយ។


មានកន្លែងលក់អាហារមួយដែលមានឈ្មោះថាស៊ូរ៉ាកាំងដែលវាជាកន្លែងដែលអ្នកអាចទិញអ្វីមកញ៉ាំនៅក្នុងព្រៃស្រល់នេះ។ ស៊ូរ៉ាកាំងគឺជាពាក្យមួយដែលសំដៅទៅលើផ្ទះបាយរាជវាំងដែលជាកន្លែងដែលគេចំអិនអាហារសម្រាប់ស្តេច។ អ្នកក៏អាចខ្ចប់អាហារបន្តិចបន្តួច ឬក៏អាចញ៉ាំនៅទីនេះក៏បាន។



ខ្ញុំបានកត់សំគាល់ឃើញថាមានអ្នកដែលឈប់នៅទីនេះបន្ទាប់ពីបានឡើងភ្នំ កំពុងតែញ៉ាំដុងដុងជូ ជាមួយនឹងផាចុន (នំចៀនដាក់ខ្ទឹមបារាំង)។

ខ្ញុំត្រូវតែឈប់នៅទីនោះហើយផឹកដុងដុងជូមួយចានជាមួយនឹងផាចុន។



កន្លែងសម្រាកនៅក្នុងព្រៃស្រល់



មានកន្លែងសម្រាកនៅក្នុងព្រៃដើមស្រល់នេះផងដែរ។




អ្នកអាចជ្រើសរើសមួយក្នុងចំណោមផ្ទះប្រពៃណីកូរ៉េ(ហានូក) ផ្ទះដែលធ្វើពីឈើនិងផ្ទះសម្រាកជាច្រើនប្រភេទទៀត។ ផ្ទះសម្រាកដែលមានល្បីឈ្មោះថាបានយកមកថតកុនរឿង “ធែមូល” ។



យើងអាចស្នាក់នៅផ្ទះនោះបាន តាមការកក់តាមគេហទំព័ររបស់វាប៉ុណ្ណោះ។
បន្ទប់ទាំងនោះមានតម្លៃចាប់ពី ៦០ដុល្លារ ទៅដល់ ២០០ដុល្លារ ដូច្នេះហើយវាពិតជាមានប្រយោជន៍បើសិនជាអ្នកចូលទៅក្នុងគេហទំព័ររបស់វាហើយពិនិត្យមើលតម្លៃទុកជាមុន។



នេះគឺជាផ្ទះអំបិលរបស់ព្រៃដើមស្រល់។ វាបានពន្យល់ថាអ្នកអាចជួយបង្កើននូវប្រពន្ធ័ការពាររបស់រាងកាយនិងមានប្រសិទ្ធភាពក្នុងការព្យាបាល។

តែអ្នកត្រូវតែបង់ប្រាក់បន្ថែម ហើយខ្ញុំគិតថាវាមានតម្លៃប្រហាក់ប្រហែលទៅនឹងតម្លៃរបស់ជីមជីលបាំង(បន្ទប់ស្ងួតសោណា)។



អ្នកអាចមើលឃើញនូវទេសភាពនៃឆាងហ៊ឹងទាំងមូលពីបន្ទប់អំបិលនេះ។



ព្រៃស្រល់ដែលមានផ្កាដែលស្រស់ស្អាតដុះនៅក្នុងចំណោមដើមឈើនោះបានធ្វើអោយភ្នែក ច្រមុះ និងអារម្មណ៍របស់ខ្ញុំបានជាសះស្បើយដោយធម្មជាតិ។


នេះគឺជាផ្កាដែលខ្ញុំបានឃើញនៅក្នុងព្រៃ។





ព្រៃកំសាន្តបែបធម្មជាតិ ព្រៃដើមស្រល់ឆងណាមឈីនគឺជាកន្លែងដែលអ្នកអាចជួយព្យាបាលរាងកាយនិងផ្លូវចិត្តរបស់អ្នកអោយជាសះស្បើយដោយគ្រាន់តែអង្គុយនៅទីនោះ។

គ្រាន់តែនៅលេងនៅទីនោះពិតជាធ្វើអោយខ្ញុំមានអារម្មណ៍ល្អមែនទែន។

នៅពេលដែលវាមានអាកាសធាតុក្តៅនៅរដូវក្តៅដែលធ្វើអោយអ្នកសឹងតែមិនអាចកំរើកម្រាមដៃរបស់អ្នកបាននោះ


ហេតុអ្វីបានជាអ្នកមិនយកកំរាលក្រាលអង្គុយមួយហើយធ្វើដំណើរមកកាន់ព្រៃដើមស្រល់ឆងណាមជីនរបស់ឆាងហ៊ឹងនេះ?


Map

អាស័យដ្ឋានៈ សាន ២០-១ អ៊ូសានរី ស្រុកឆាងហ៊ឹង ខេត្តឆាងហ៊ឹង ឆុលឡាណាមដូ (전라남도 장흥군 장흥읍 우산리 산 20-1)

គេហទំព័រៈ http://www.jhwoodland.co.kr/jhwood/



អត្ថបទដើមៈ http://blog.naver.com/webhunting





정남진, 장흥, 편백숲, 편백나무, 우드랜드, 자연휴양림, 등산코스, 등산, 목재문화체험관, 체험관, 박물관, 어성초탕, 수라간, 파전, 동동주, 펜션, 편백소금집, Jeongnamjin, Jangheung, cypressforest, cypress, woodland, RecreationalForest, hikingcourse, hiking, WoodCultureExperienceCenter, experiencecenter, museum, Eoseongcho, bath, Suragan, Pajeon, Dongdongju, pension, CypressForestSaltHouse, 正南津, 長興, ヒノキ林, ヒノキ, ウッドランド, 自然休養林, 登山コース, 登山, 木材文化体験館, 体験館, 博物館, 魚腥草湯, 水刺間, 王の飲食物を調理するところ, パジョン, トンドンジュ, 濁り酒, ペンション, ヒノキ塩屋, 长兴, 扁柏林, 扁柏, 森林乐园, 自然修养林, 登山路线, 木材文化体验馆, 体验馆, 博物馆, 鱼腥草浴池, 御膳房, 海鲜葱饼, 冬冬酒, 度假山庄, 扁柏盐屋, Changxing, ป่าไซปรัส, ไซปรัส, ป่าไม้, ป่าธรรมชาติ, ปีนเขาแน่นอน, ปีน, ไม้วัฒนธรรมประสบการณ์, ประสบการณ์, พิพิธภัณฑ์, คาวทองบาท, suragan, แพนเค้ก, dongdongju, บ้านแบ่งเช่า, เกลือบ้านไซปรัส
One line comment(2) 
PDF
Bookmark
E-mail
0bytes / 200bytes
View list