ស្រុកឈុងណាមឆងយ៉ាង 청양 - (Travel Info Korea)
Writer : GreenWood
 | Travel regions : South Korea
 | Hits : 43598
Last Modified : 2017/02/19

ស្រុកឆងយ៉ាងគឺជាស្រុកមួយដែលមានទីតាំងស្ថិតនៅចំកណ្តាលនៃខេត្តឈុងឆងណាមរបស់ប្រទេសកូរ៉េ ដែលស្រុកនេះមានព្រំប្រទល់ជាប់នឹង ទីក្រុងខូងជូប៉ែកខាងកើត ជាប់នឹង ទីក្រុង ប៉ូរ្យងប៉ែកខាងលិច ជាប់នឹង ទីក្រុងហុងសងប៉ែកខាងត្បូង ហើយជាប់នឹង ទីក្រុងយែសានប៉ែកខាងជើង។ ហើយបើយើងឆ្លងកាត់នូវផ្លូវជាតិសឆនខូងជូនេះទៅ យើងនឹងបានឃើញនូវ ឧទ្យានខេត្តភ្នំឈីលកាប់។ចំណែកឯរបស់ដែលល្បីប្រចាំតំបន់នោះគឺ ផ្លែគូគីចា និងម្ទេស។ សាលាស្រុករបស់វាមានទីតាំងនៅក្នុងស្រុកឆងយ៉ាង ហើយតំបន់រដ្ឋបាលគ្រប់គ្រងនោះគឺមានស្រុកចំនួន១ និង ឃុំចំនួន៩។ (ប្រភពដើមយកមកពីវីគីពីដៀៈ http://ko.wikipedia.org/wiki/청양군)



ឧទ្យានខេត្តភ្នំឈីលកាប់




ភ្នំឈីលកាប់ (មានកំពស់៥៦១ម៉ែត្រ) គឺជាភ្នំដែលគេបានដាក់ឈ្មោះថា ជាភ្នំអាល់របស់ឈុងណាម ហើយវាក៏ជាភ្នំដ៏ល្បីមួយដែលតំនាងអោយខេត្តឈុងឆងណាម។ កន្លែងដែលទាក់ទាញអ្នកទេសចរណ៍ដែលសំខាន់ៗនៅភ្នំឈីលកាប់នេះមានដូចជា ជ្រលង៩៩ផ្ទះនៅលើភ្នំ ឧទ្យានឆាងស៊ឹង បឹងនៅលើភ្នំដែលមានឈ្មោះថាឆនចាងហូ វត្តឆាងកូក វត្តឆងហ៊ែ ព្រៃធម្មជាតិ តំបន់តូរីមសា ជ្រលងនែងឆន ។ល។



ជាពិសេសវាមានការផ្លាស់ប្តូរនូវរដូវយ៉ាងច្បាស់នៅលើភ្នំនេះ ដែលនៅរដូវផ្ការីកមានផ្កាសាគូរ៉ាជាច្រើនរីកនៅទីនោះ ចំណែកនៅរដូវក្តៅមានទិដ្ឋភាពនៃព្រៃធម្មជាតិដ៏ស្រស់ស្អាតជាច្រើន ហើយនៅរដូវរំហើយវិញ នៅឯជ្រលង៩៩ យើងអាចឃើញមាននូវពណ៌ស្លឹកឈើដែលរៀបនឹងជ្រុះដែលគួរអោយគយគន់ រីឯនៅរដូវរងាវិញ យើងនឹងមានអារម្មណ៍ថាដូចជាកំពុងនៅក្នុងថានសួគ៌អញ្ចឹងនៅពេលដែលយើងបានឃើញនូវទិដ្ឋភាពនៃការធ្លាក់ព្រិល។ យើងអាចស្វែងរកវាបានយ៉ាងងាយស្រួលដែលយើងគ្រាន់តែធ្វើដំណើរតាមផ្លូវជាតិធំសរឆនខូងជូ ដែលយើងត្រូវបត់នៅផ្លូវបំបែកមួយដែលមានលេខ៣៩។



Map


អាស័យដ្ឋានៈ ភូមិធែឈី ឃុំធែឈី ស្រុកឆងអាំង ខេត្តឈុងឆងណាម

ទូរស័ព្ទលេខៈ ០៤១ ៩៤០ ២៥៣០

គេហទំព័រៈ tour.cheongyang.go.kr




កន្លែងមើលផ្កាយនៅលើភ្នំឈីលកាប់


នៅទីនេះមានដំឡើងនូវកែវឆ្លុះ(ទំហំ៣០៤មីលីម៉ែត្រ) សម្រាប់មើលផ្កាយដែលអាចមើលផ្កាយបានយ៉ាងច្បាស់ល្អ ដែលវាគឺជាផលិតផលក្នុងស្រុកដែលមានគុណភាពល្អបំផុតដែលបានផលិតដោយក្រុមហ៊ុនអាល្លឺម៉ង់មួយដែលមានឈ្មោះថាក្រុមហ៊ុនTMB។ សំភារៈបរិក្ខារដែលសំខាន់ៗមានដូចជា នៅជាន់ទី១ បន្ទប់មើលរូបភាពបន្ទប់ការិយាល័យ បន្ទប់តាំងពិពណ៌ នៅជាន់ទី២ មានបន្ទប់ពត៌មាន បន្ទប់ទទួលភ្ញៀវ បន្ទប់ស្រាវជ្រាវ និងកន្លែងមើលទេសភាព រីឯនៅជាន់ទី៣វិញ ជាកន្លែងដែលមានកែវឆ្លុះចំនួន៦ប្រភេទខុសគ្នាដែលធ្វើឡើងដើម្បីសំរាប់ឆ្លុះមើលព្រះអាទិត្យ ផ្កាយ និង ភពនានាទៀតដែលនៅក្បែរវា។



Map




អាស័យដ្ឋានៈ ផ្លូវហាន់ទីកូគែ ១៧៨-៤៦ ឃុំឆងសាន ស្រុកឆងអាំង ខេត្តឈុងឆងណាម

ទូរស័ព្ទលេខៈ ០៤១ ៩៤០ ២៧៩០

គេហទំព័រៈ star.cheongyang.go.kr

តម្លៃសំបុត្រចូលៈ មនុស្សធំ (៣ដុល្លារ) សិស្សអនុវិទ្យាល័យនិងវិទ្យាល័យ (២ដុល្លារ) សិស្សបឋមសិក្សា (១ដុល្លារ)





ព្រៃធម្មជាតិនៅលើភ្នំឈីលកាប់

នេះគឺជាកន្លែងដែលធ្វើអោយយើងមានអារម្មណ៍ស្រស់ថ្លាដែលវាជាព្រៃដែលក្រាស់ហើយស្អាតបំផុតនៅ ឈុងណាម។ សំភារៈបរិក្ខារសំខាន់ៗមានដូចជា ម៉ាស៊ីនកំដៅ កន្លែងសម្រាប់ធ្វើម្ហូប ផ្ទះឈើដែលមានកន្លែងងូតទឹក ផ្ទះលើដើមឈើ កន្លែងសម្រាប់បោះតង់២កន្លែង កន្លែងស្នាក់នៅ បន្ទប់សំរាប់សិក្ខារសាលា កន្លែងមើលទេសភាព ផ្លូវដើរលំហែរកាយ កន្លែងហាត់ប្រាណ កន្លែងហែលទឹក ព្រមទាំងមានកន្លែងធ្វើឡើងសម្រាប់ក្មេងៗ រួមមាន កន្លែងសិក្សាធម្មជាតិ និង សួនស្មៅ។


Map


អាស័យដ្ឋានៈ ឈីលកាប់សានរ៉ូ ៦៦៨-១០៣ ឃុំធែឈី ស្រុកឆងយ៉ាង ខេត្តឈុងឆងណាម

ទូរស័ព្ទលេខៈ ០៤១ ៩៤០ ២៤២៨

គេហទំព័រៈ www.chilgapsan.net

តម្លៃសំបុត្រចូលៈ មនុស្សធំ (៤០០០៛) សិស្ស (៣០០០៛) ក្មេង (២០០០៛)




កន្លែងទស្សនាវត្ថុវប្បធម៌ធ្វើអំពីឈើ

នេះគឺជាកន្លែងដែលយើងអាចទស្សនាបាននូវកន្លែងដូចជា បន្ទប់ទស្សនានូវវត្ថុវប្បធម៌ដែលធ្វើពីឈើ កន្លែងលក់របស់ដែលធ្វើពីឈើ បន្ទប់សិក្សាវត្ថុដែលធ្វើពីឈើ កន្លែងបង្ហាញគំរោង កន្លែងសិក្សានៅខាងក្រៅ និងមានទីធ្លាសម្រាប់ដើរកំសាន្តដែលកំរាលអិដ្ឋរបស់វាធ្វើឡើងពីឈើ ព្រមទាំងមានឧបករណ៍ដែលធ្វើឡើងពីឈើនិងរឹសឈើដទៃទៀត។ លើសពីនេះទៅទៀត គេបានបង្កើតនូវកន្លែងពិសេសមួយសម្រាប់បង្រៀនដល់សិស្សានុសិស្សក្នុងការហាត់រៀនបង្កើតនូវវត្ថុដែលធ្វើពីឈើដើម្បីទុកជាអនុស្សាវរីយ៍។



Map




អាស័យដ្ឋានៈ ឈីលកាប់សានរ៉ូ ៧០៤-២១ ឃុំធែឈី ស្រុកឆងយ៉ាង ខេត្តឈុងឆងណាម

ទូរសព្ទលេខៈ ០៤១ ៩៤០ ២៨៤១

គេហទំព័រៈ www.chilgapsan.net



វត្តឆាងកូក

វត្តឆាងកូកគឺជាវត្តនៃព្រះពុទ្ធសាសនាបែបចូគែជុង ហើយវាជាវត្តនៅតំបន់ទី១៦នៃវត្តធំមួយដែលមានឈ្មោះថា វត្តម៉ាកូក។ វាបានកសាងឡើងដោយព្រះសង្ឈមួយអង្គដែលមានព្រះនាមថា ប៉ូចូសនសា ឈែឈីង នៅឆ្នាំ៨៥០ នៃរជ្ជកាលស៊ីលឡា បន្ទាប់មកវាត្រូវបានគេជួសជុលជាច្រើនដង។




Map



អាស័យដ្ឋានៈ ផ្លូវឆាងកូល ២៤១ ឃុំធែឈី ស្រុកឆងយ៉ាង ខេត្តឈុងឆងណាម

គេហទំព័រៈ tour.cheongyang.go.kr





សួនរុក្ខជាតិកូអ៊ូន

នៅក្នុងសួននេះមានរុក្ខជាតិនិងដើមឈើដែលបានដុះឡើងដោយឯកឯងពីធម្មជាតិ ដែលរួមមាន ដើមឈើមីសន ដើមឈូក និងរុក្ខជាតិដែលជិតផុតពូជជាង១៥ប្រភេទ ព្រមទាំងមាន ផ្កាចំនួនជាង៣៥០០ប្រភេទ ដើមឈើចំនួន១៩០០ប្រភេទ រឹសឈើចំនួន១០០ប្រភេទ ហើយក៏មានហ្សែនរបស់រុក្ខជាតិ ចំនួន៥៥០០ប្រភេទទៀតផង។


Map


អាស័យដ្ឋានៈ ផ្លូវស៊ីកមូលវ៉ន ៣៩៨-២៣ ឃុំឆងយ៉ាង ស្រុកឆងយ៉ាង ខេត្តឈុងឆងណាម

ទូរស័ព្ទលេខៈ ០៤១ ៩៤៣ ៦២៤៥

គេហទំព័រៈ www.kohwun.or.kr

តម្លៃសំបុត្រចូលៈ មនុស្សធំ (៨ដុល្លារ) សិស្ស (៤ដុល្លារ)



ទីសក្ការៈបូជាម៉ូតុក

នេះគឺជាទីសក្ការៈបូជាមួយដែលបានបង្កើតឡើងនៅក្នុងឆ្នាំ១៩១៤ ដើម្បីរំលឹកដល់អ្នកស្នេហាជាតិគឺលោកគ្រូ ម្យ៉នអាំ ឈែអ៊ីកហ្យន ដែលជាអ្នកជឿទៅលើខុងជឺ ជាអ្នកនយោបាយ ហើយក៏ជាអ្នកដឹកនាំតស៊ូប្រឆាំងនឹងជប៉ុននៅចុងរជ្ជកាលចូសន ដែលនៅទីនេះមានតំកល់ផ្លាកព្រលឹងនិងរូបថតរបស់គាត់។



Map



អាស័យដ្ឋានៈ ផ្លូវណាពូនថូង ១២ ឃុំម៉ូក ស្រុកឆងយ៉ាង ខេត្តឈុងឆងណាម

ទូរស័ព្ទលេខៈ ០៤១ ៩៤០ ២៤៨១

គេហទំព័រៈ tour.cheongyang.go.kr







ពិធីបុណ្យវប្បធម៌ឈីលកាប់

នៅក្នុងតំបន់”ឆងយ៉ាង”នេះធ្លាប់ជាតំបន់ដែលមានអ្នកស្នេហាជាតិដែលស្ម័គចិត្តជួយប្រទេសជាតិនៅពេលដែលប្រទេសជាតិជួបរឿងអាក្រក់ កាលពីសម័យដើម។ ដើម្បីរំលឹកដល់រឿងនេះ គេបានប្រារព្ធនូវពិធីបុណ្យនេះដើម្បីពង្រឹង នឹងបង្រៀនអោយកូនចៅជំនាន់ក្រោយដឹងពីការរួមបេះដូងគ្នាជាធ្លុងរបស់ប្រជាជាតិ និង វប្បធម៌ប្រពៃណីជាតិទៀតផង។

ទូរស័ព្ទលេខៈ ០៤១ ៩៤០ ២១៩១

គេហទំព័រៈ tour.cheongyang.go.kr






ពិធីបុណ្យផ្លែគូគីចា និងម្ទេសរបស់ឆងយ៉ាង

គេបានប្រារព្ធពិធីបុណ្យផ្លែគូគីចា និងម្ទេសនៅស្រុកឆងយ៉ាងដើម្បី ធ្វើអោយគេបានដឹងពីដំណាំពិសេសដែលបានដាំដុះនៅក្នុងស្រុកនេះដែលពួកវាមានគុណភាពខ្ពស់។ តំបន់ឆងចង់របស់ស្រុកឆងយ៉ាងដែលគេបានដាក់ឈ្មោះថាជាភ្នំអាល់របស់ឈុងណាម គឺជាកន្លែងដែលដីមានជីជាតិក្នុងការដាំដំណាំម្ទេសហិរ និងផ្លែគូគីចា។

ទូរស័ព្ទលេខៈ ០៤១ ៩៤០ ២៣០១ ៥

គេហទំព័រៈ www.cygg.kr




忠淸南道, 靑陽, チョンヤン, 청양구기자고추축제, 칠갑문화축제, 모덕사, 고운식물원, 장곡사, 목재문화체험장, 칠갑산자연휴양림, 칠갑산천문대, 칠갑산도립공원, Cheongyang, Gugija, Pepper, Festival, Chil, Gab, culture, festival, Modeoksa, Shrine, Kohwun, Botanical, Garden, Janggoksa, Temple, Wood, Culture, Experience, Center, Chilgapsan, Natural, Recreation, Resort, Chilgapsanobservatory, Provincial, Park
0bytes / 200bytes
Next post
No next posts.
Previous post
No previous posts.
View list