Travel Informations

Travel Informations
전국의 가 볼 만한 여행지들을 소개합니다.
1835 | 5941122

ឈុងណាម ហុងសង - (Travel Info Korea)
 | Travel Info
최종 수정일 : 2017/02/19

여행지역 : South Korea
 | 조회수 : 195352
https://blog.lookandwalk.com/ko/blog/greenwood/1619/trackback

ស្រុកហុងសងគឺស្រុកមួយដែលមានទីតាំងស្ថិតនៅទិសបច្ចឹមនៃខេត្តឈុងឆងណាម ហើយវាជាផ្នែកមួយនៅក្នុងការគ្រប់គ្រងរបស់អញ្ញាធរខេត្តឈុងឆងណាម។ តំបន់ឈុងឆងណាមមាន ៧ខេត្ត ដែលមានចំនួនប្រជាជនច្រើនជាងគេ។ ហើយរបស់ល្បីប្រចាំតំបន់នេះគឺ អ័យស្ទឺរ បង្គាគ្រាម និង បង្គាតូច ។ នៅក្នុងរជ្ជកាលចូសន គេបានបង្កើតទីក្រុងមួយដែលមានឈ្មោះថា “ហុងជូ”ដែលមានទីតាំងនៅទិសពាយ័ព្យនៃខេត្តឈុងឆងដែលវាមានស្រុកចំនួនប្រាំនិងភូមិចំនួន១៤ ហើយវាគឺជាទីតាំងកណ្តាលសំរាប់គ្រប់គ្រងរដ្ឋបាលនិងយោធា។ គេបានបង្កើតទីក្រុងថ្មីមួយដែលមានឈ្មោះថា”នេប៉ូ”នៅក្នុងភូមិហុងពូក ហើយនៅឆ្នាំ២០១៣ គេបានផ្លាស់ប្តូរទីតាំងរបស់អញ្ញាធរនៃតំបន់ឈុងឆងណាមពីទីក្រុងធែឆនទៅដាក់នៅហុងសងវិញ។ ទីស្នាក់ការខេត្តគឺនៅក្នុងក្រុងហុងសង ដែលវាបានគ្រប់គ្រងស្រុកចំនួន២និងភូមិចំនួន៩។ (ប្រភពដើមយកមកពីវីគីពីដៀៈ http://ko.wikipedia.org/wiki/홍성군)



ភ្នំយ៉ូងបូង



នៅឆ្នាំ១៩៧៣ គេបានយកភ្នំខាយ៉ា(មានកំពស់៦៧៨ម៉ែត្រ) និង ភ្នំថុកសូង (មានកំពស់៤៩៥ម៉ែត្រ) មកដាក់រួមបញ្ចូលគ្នាជាភ្នំមួយ ហើយបានយកវាធ្វើឧទ្យានខេត្តថុកសាន។ ភ្នំយ៉ូងបូងមានកំពស់ ៣៨១ម៉ែត្រ ដែលវាមិនមានការលំបាកក្នុងការធ្វើដំណើរឡើង ប៉ុន្តែវាមានថ្មនិងកំពូលភ្នំដែលមានសណ្ឋានចម្លែក ។ គេបាននិយាយថាឈ្មោះរបស់ភ្នំនេះបានជ្រើសរើសដោយយោងទៅលើរូបរាងរបស់ភ្នំដែលវាមានរាងខ្លួនជានាគតែមានក្បាលជាហង្ស។ នៅប៉ែកខាងត្បូងនៃចង្កេះភ្នំនិងទិសខាងលិចនៃភ្នំមានជំរាលភ្នំដែលមិនសូវចោតហើយវាបានលាតសន្ធឹងយ៉ាងវែង។ ហើយនៅលើភ្នំមានដើមស្រល់ដែលដុះពីធម្មជាតិជាក្រុមៗ ហើយយើងក៏អាចប្រទះឃើញនូវថ្មឆាងគូន ដែលពួកវាមើលទៅមានសភាពស្រស់ស្អាត។ លើសពីនេះទៅទៀតយើងអាចឃើញនូវវត្តយ៉ូងបូងដែលជាវត្តបុរាណតាំងពីសម័យពែកជែដែលវាបានចុះជាសម្បតិបេតិកភ័ណ្ឌជាតិលេខ ៣៥៥ ព្រមទាំងហុងសងស៊ីនក្យងរីម៉ាអេសុកពូល ដែលវាជា សម្បតិវប្បធម៌ដ៏មានតំលៃមួយ។


Map



អាស័យដ្ឋានៈ ភូមិសាងហា ឃុំហុងពូក ស្រុកហុងសង

ទូរស័ព្ទលេខៈ ០៤១ ៦៣០ ១៧៨៤

គេហទំព័រៈ tour.hongseong.go.kr




ព្រៃធម្មជាតិ នៅលើភ្នំយ៉ូងបូង


ភ្នំយ៉ូងបូងត្រូវបានគេហៅវាថាជាភ្នំគឹមកាងទីពីរដោយសារតែវាមានទេសភាពដ៏ស្រស់ស្អាតនៅក្បែរជើងភ្នំដែលវាជាបន្សំគ្នារវាងថ្មរូបភាព ថ្មអណ្តើក ថ្មឆាងគូន រួមជាមួយដើមឈើស្រស់ស្អាតជាច្រើនប្រភេទ។



Map


អាស័យដ្ឋានៈ ២គីល៨៧ ឃុំហុងពូក ស្រុកហុងសង ខេត្តឈុងឆនណាម

ទូរស័ព្ទលេខៈ ០៤១ ៦៣០ ១៧៨៤

គេហទំព័រៈ www.yongbong.or.kr

ថ្លៃសំបុត្រចូលៈ មនុស្សពេញវ័យ ( ៤០០០៛)សិស្សនិងទាហាន (៣០០០៛) ក្មេង (១៥០០៛)




ផ្ទះកំណើតរបស់លោកគ្រូម៉ាណេ ហានយ៉ូងអ៊ូន


នេះគឺជាកន្លែងសក្ការៈបូជាមួយដែលមានឈ្មោះថា វិហារម៉ាណេ ដែលវាជាផ្ទះកំណើតរបស់លោកហាន់យ៉ូងអ៊ូនដែលគាត់គឺជា ព្រះសង្ឈ កវីនិពន្ធ និងជាអ្នកធ្វើចលនាប៉ះបោរទាមទារឯករាជ្យ ហើយនៅទីនេះមានតំកល់ទុកនូវផ្លាកព្រលឹងនិងរូបថតរបស់គាត់។ គាត់បានបួសកា្លយជាសង្ឃនៅក្នុងវត្តភែកតាម់ដែលស្ថិតនៅក្នុងខេត្តខាំងវ៉ន់ នៅពេលដែលគាត់មានអាយុ២៦ឆ្នាំ។ ហើយគាត់គឺជាមនុស្សម្នាក់ក្នុងចំណោមអ្នកតំនាងទាំង៣៣រូបនៅក្នុងពេលធ្វើចលនាបះបោរទាមទារឯករាជ្យ ដែលបានចុះហត្ថលេខា នៅក្នុងឯកសារទាមទារឯករាជ្យ។ គាត់ត្រូវបានគេចាប់ខ្លួននិងកាត់ទោសអោយជាប់ពន្ធធនាគាររយៈពេល៣ឆ្នាំ។ នៅឆ្នាំ១៩២៦ គាត់បានសរសេរសៀវភៅកំនាព្យមួយក្បាលដែលមានចំណងជើងថា “ភាពស្ងៀមស្ងាត់របស់អ្នក” ដែលគាត់បានយកទៅចុះជាសៀវភៅអក្សរសាស្រ្ត ហើយគាត់ក៏ជាអ្នកតស៊ូក្នុងការជួយជំរុញវិស័យព្រះពុទ្ធសាសនា និង ការទាមទារឯករាជ្យ។



Map


អាស័យដ្ឋានៈ ម៉ាណេរ៉ូ ៣១៨ប៉នគីល ៨៣ ឃុំក្យលសង ស្រុកហុងសង ខេត្តឈុងឆងណាម

ទូរសព្ទលេខៈ ០៤១ ៦៣០ ១៣៦២

គេហទំព័រៈ tour.hongseong.go.kr





ផ្ទះកំណើតរបស់ឧត្តមសេនី ពែកយ៉ា គីមឆាឈីន

នេះគឺជាផ្ទះកំណើតរបស់លោកឧត្តមសេនីពែកយ៉ា គីមឆាឈីន ហើយគាត់ក៏បានធំដឹងក្តីនៅទីនេះ ដែលផ្ទះនេះត្រូវបានក្រុមហ៊ុនមួយបានយកមកកែច្នៃធ្វើជាកន្លែងទេសចរណ៍ ដែលវាបានចាប់ផ្តើមបើកនៅក្នុងឆ្នាំ១៩២៦ ហើយពួកគេក៏បានជួសជុលឡើងវិញនូវទីធ្លាក្នុងផ្ទះ បន្ទប់មូនកាន់ជែ បន្ទប់សារ៉ាំងជែ បន្ទាប់មកវាបានក្លាយជាកន្លែងស្នាក់នៅរបស់អ្នកថែទាំ និងជាអគារពិពណ៌។




Map



អាស័យដ្ឋានៈ ពែកយ៉ារ៉ូ ៥៤៦គីល ១២ ឃុំខាលសាន ស្រុកហុងសង ខេត្តឈុងឆងណាម

ទូរសព្ទលេខៈ ០៤១ ៦៣០ ១៣៦២

គេហទំព័រៈ tour.hongseong.go.kr






ប្រាសាទហុងជូ ផ្លូវធ្វើដំណើររយៈពេល១០០០ឆ្នាំ


កាលពី១០០០ឆ្នាំមុន វាគឺជាទីក្រុងមួយដែលមានឈ្មោះថា ហុងជូ ។ វាគឺជាផ្លូវមួយដែលយើងអាចមើលឃើញនូវរូបរាងទាំងមូលរបស់ប្រាសាទហុងជូ ដែលបានគ្រប់គ្រងទៅលើតំបន់ដ៏ធំមួយដែលគិតចាប់ពីទីក្រុងព្យងពែកដែលមានទីតាំងនៅខាងលើរហូតដល់ទីក្រុងសរឆនដែលនៅខាងក្រោម។ ហើយយើងក៏អាចទស្សនានូវទេសភាពដ៏ប្រណិតរបស់របងប្រាសាទ ក្លោងទ្វារប្រាសាទ និង ផ្សារសម័យដើមរបស់ហុងជូ ដែលវាបង្ហាញអំពីការរួមបញ្ចូលគ្នារវាងពេលវេលានៅអតីតកាលនិងអតីតកាលដែលនៅជិតពេលបច្ចុប្បន្ន។



មានផ្លូវដែលយើងសំរាប់ដើរចាប់ផ្តើមពី ស្ថានីយហុងសង-ផ្លូវបែកជា៥របស់ឧត្តមសេនីគីមឆាឈីន-ផ្ទះលក់ឆ្នោតដ៏មានឈ្មោះល្បី-ផ្សារសម័យដើមហុងសង-ថ្មគោរពវិញ្ញាណក្ខន្ធហុងជូ-កន្លែងសក្កសិទ្ធរបស់អ្នកកាន់សាសនាកាតូលិក-របងប្រាសាទហុងជូ-បន្ទប់ប្រវតិ្តសាស្ត្ររបស់ហុងជូ-ប៉មយាមកាម(បន្ទប់អានហ្វាបន្ទប់យ៉ហាចង់និងបន្ទប់ហុងជូអាមូន)-ផ្លូវលក់ឥវ៉ាន់ជំនាន់ដើម-ខ្លោងទ្វារប្រាសាទ-ផ្លូវលក់ឥវ៉ាន់ម្យងដុង-ថាំងកាន់ជីជូដែលជាគោលដៅចុងក្រោយ ហើយបើយើងធ្វើដំណើរត្រលប់ក្រោយទៅកាន់ ស្ថានីយហុងសាងវិញ វាមានចង្ងាយប្រហែលជា៨គីឡូ ដែលចំណាយពេលដើរប្រហែលជា២ម៉ោង។



អាស័យដ្ឋានៈ ភូមិធែក្យូ ភូមិអូក្វាន ភូមិខូអាំ ឃុំហុងសង ស្រុកហុងសង

ទូរសព្ទលេខៈ ០៤១ ៦៣០ ១៣៦២

គេហទំព័រៈ tour.hongseong.go.kr






សួនច្បាររូបគំនូរ



ជារៀងរាល់ឆ្នាំ អ្នកទេសចរណ៍ជាច្រើនបានមកលេងទីនេះដើម្បីមកមើលផ្កា ជាពិសេសពួកគេចង់មកមើលព្រៃឈើនៃរដូវផ្ការីកនៅក្នុងខែឧសភា។ ក្រៅពីនេះទៅទៀត យើងក៏អាចមកទស្សនានូវការតាំងពិព៌ណនូវវត្ថុសិល្បៈនៅក្នុងតំបន់នេះដែលមានឈ្មោះថា “ដឹហ្កាឡារី” ព្រមទាំង អាចទស្សនានូវការតាំងពិព៌ណនូវគ្រឿងសង្ហារឹមពីបុរាណទៀតផង។



Map



អាស័យដ្ឋានៈ ឈុងសរ៉ូ៤០០គីល ១០២-៣៦ ឃុំខ្វាងឆន ស្រុកហុងសង ខេត្តឈុងឆងណាម

ទូរស័ព្ទលេខៈ ០៤១ ៦៤១ ១៤៧៧

តម្លែសំបុត្រចូលទស្សនាៈ មនុស្សធំ (៦ដុល្លារ) សិស្សានុសិស្ស (៤ដុល្លារ) ក្មេង (៣ដុល្លារ)





ពិធីបុណ្យវប្បធម៌ហុងសងនែផូ


ពិធីបុណ្យនែផូដែលបានប្រារព្ធនៅក្នុងតំបន់ហុងសងទាំងមូលដែលវាជាពិធីបុណ្យដែលធ្វើឡើងដើម្បីសំដែងនូវការស្មោះត្រង់ចំពោះប្រទេសជាតិ និងដើម្បីវប្បធម៌របស់ប្រជាជន ដែលក្នុងនោះមានការបង្ហាញនូវ ការរាំនិងច្រៀង ការប្រលងតន្រ្តី ការប្រកួតបោកចំបាប់ ការលេងល្បែងណាមសាតាំង ការច្រៀងចំរៀងសំរាប់ប្រជាកសិករ ហើយក៏មានការបង្ហាញ បុណ្យប្រពៃណីធំដែលមាន ការប្រលងរាំសំរាប់ក្មេងយុវវ័យការប្រគុំតន្រ្តីសម្រាប់ទាហានការដើរដេរេវេរបស់ទាហាន ព្រមទាំង ការប្រគុំតន្រ្តីរ៉ក់សម្រាប់យុវវ័យ ជាបន្តបន្ទាប់គ្នា។


ទូរស័ព្ទលេខៈ ០៤១ ៦៣២ ៣៦១៦

គេហទំព័រៈ naepofestival.com (2015-03-02 មិនទាន់មានដំណើរការនៅពេលនេះទេ)







ផ្អកបង្គារអ័រស្ទឺររបស់ខ្វាងឆន និង ពិធីបុណ្យធំរបស់សារាយសមុទ្របុរាណ

នៅក្នុងខែតុលា ដែលជាខែនៃរដូវធ្វើគីមឈី មានគេធ្វើពិធីបុណ្យ ផ្អកបង្គារអ័រស្ទឺររបស់ខ្វាងឆន និង ពិធីបុណ្យធំមួយអំពីសារាយសមុទ្របុរាណ នៅតំបន់ដែលល្បីឈ្មោះក្នុងការធ្វើផ្អកបង្គានិង សារាយសមុទ្របែបសម័យចូសន។ នៅកំឡុងពិធីបុណ្យយើងអាចទិញរបស់ទាំងនោះដែលទទួលបាននូវការបញ្ចុះតម្លៃ ហើយយើងក៏អាចចូលរួមកម្មវិធីវប្បធម៌នានាជាច្រើនទៀតផងដែរ។

ទូរស័ព្ទលេខៈ ០៤១ ៦៣០ ១៣៧៨

គេហទំព័រៈ tour.hongseong.go.kr







洪城, 忠淸南道, 광천토굴새우젓전통김대축제, 홍성내포문화축제, 그림이있는정원, 홍주성천년여행길, 백야김좌진장군생가, 만해한용운선생의생가, 용봉산, Gwangcheon, togul, saltedshrimp, traditional, laver, festival, Hongseongnaepo, cultural, Gallery, in, the, Garden, Hongjuseong, Fortress, cheonyoenjourney, Birthplace, of, General, Kim, Jwajin, Manhae, Yongbongsan, Mountain
한줄의견(1) 
PDF
북마크
이메일
0bytes / 200bytes
목록보기