មានហាងម្ហូបអាហារល្បីជាច្រើននៅតំបន់សុងរ៉ីដានហ្កិល. វាហាក់មើលទៅដូចជាអុីថេវ៉ុនទិសខាងកើតអញ្ចឹង. ហាងភាកច្រើនគឺមានភ្ញៀវរៀបជួរនៅថ្ងៃចុងសប្តាហ៍, ក៏ប៉ុន្តែខ្ញុំឮថាកន្លែងដែរខ្ញុំទៅថ្ងៃនេះគីជាកន្លែងដែរមនុស្សឈររៀបជួរថ្ងៃក្នុងសប្តាហ៍ដូចគ្នា. តាមគំនិតរបស់ខ្ញុំ, ខ្ញុំមិនយល់ថាហេតុអ្វីបានជាមនុស្សយើងឈររៀបជួរចាំដើម្បីញុាំបែបនេះក៏ប៉ុន្ដែលើកនេះខ្ញុំបានយល់ថាហេតុអ្វីបានជាយើងឈរចាំរយៈពេលជាងមួយម៉ោងហើយ. នេះគឺហាង 'ហ្កតអុីត', ជាហាងមួយដែរជាទីនិយមនៅតំបន់សុងរ៉ីដានហ្កិល.

វាមានភ្ញៀវជាច្រើនលើសលប់. ភ្ញៀវទាំងអស់គឺពាក់ម៉ាស់, ក៏ប៉ុន្តែរឿងជំងឺកូវីត ១៩គីមិនមានផលប៉ះពាល់អ្វីនោះទេ. ពេលនោះគឺរាងក្ដៅដែរនៃថ្ងៃចុងសប្ដាហ៍ហើយមនុស្សជាច្រើនកំពុងតែឈររៀបជួរចាំទោះបីជាពេលនោះមិនមែនជាម៉ោងបាយក៏ដោយ.

ផ្លាកសញ្ញាហាងគឺគួរអោយស្រលាញ់. តាមឈ្មោះរបស់ហាងគឺហ្កតអុីតតើនេះគឺជាលក្ខណៈតួអក្សរពាក់ហ្កតមែនទេ? ការពន្យល់ដ៏សាមញ្ញពិតជាទាក់ទាញភ្នែកខ្ញុំណាស់.

ដោយសារតែមឺនុយនៅទីនេះមានភាពខុសគ្នាបន្តិចហើយមឺនុយមូលដ្ឋានគឺដូចគ្នា, យើងត្រូវសរសេរឈ្មោះរបស់យើង, ចំនួនមនុស្ស, និងមុខម្ហូបជាមុននៅទីធ្លារងចាំខាងក្រៅមុនពេលចូលទៅក្នុងហាង. បើសិនជាលោកអ្នកទុកព័ត៌មានតាមលេខរាងបុគ្គលិកនឹងចេញមកនឹងពន្យល់អ្នកនៅពេលដែលមានអ្នកណាម្នាក់ចេញពីហាង. វាគឺជាហាងដ៏ល្បីមួយក៏ប៉ុន្តែអត់មានតុអង្គុយជាច្រើននៅក្នុងហាងនោះទេដូច្នេះត្រូវការរយៈពេលយូរដើម្បីរង់ចាំ.

ម្ហូបនៅទីនេះគឺឆ្ងាញ់ក៏ប៉ុន្តែអ្វីដែលធ្វើឲ្យវាល្បីគឺដោយសាតែចំនួនរបស់ម្ហូបគឺច្រើនគួរសម. ជាទូទៅវាប្រហែលជាមានភាពខុសគ្នាបន្តិចរវាងរូបថតរបស់ម្ហូបនឹងម្ហូបពិតប្រាកដ. ក៏ប៉ុន្តែម្ហូបនៅទីនេះគឺដូចរូបភាពយ៉ាងអញ្ចឹង.

តាដា! បន្ទាប់ពីរងចាំរយៈពេលមួយម៉ោងចុងក្រោយខ្ញុំបានចូលទៅក្នុងហាងបន្ទាប់ពីចាំមួយម៉ោង. មនុស្សជាង ២០ នាក់កំពុងតែញ៉ាំអាហាររបស់ពួកគេ.

នៅលើកន្សែងជួតមាត់ក៏មានការពន្យល់ដ៏គួរឱ្យស្រឡាញ់ផងដែរ. ម្ហូបប្រចាំរបស់ហាងនេះគឺហ្កតបូនិងហ្កតហ្វាជីតា. ហ្កតបូគឺជាសាឡាត់លាយជាមួយនឹងបាយឥណ្ឌា, សាច់ហាន់ជាចំណិត, និងបន្លែ, ហើយហ្កតហ្វាជីតាគឺជាមុខម្ហូបដែលលោកអ្នកខ្ចប់បន្លែនិងសាច់នៅក្នុងនំបន្ទះស្ដើង.

គឺជាម្ហូបហ្កតបូ (ខ្នាតធំ). វាពិតជាសម្បូរពណ៌ស្រស់ស្អាតនិងមើលទៅគួរឲ្យឆ្ងាញ់ហេតុដូច្នេះនៅពេលដែលម្ហូបបានមកដល់ខ្ញុំមិនអាចនិយាយអ្វីក្រៅពី 'វ៉ោ!' ខ្ញុំបានកម្ម៉ង់នំថាគោបន្ថែមដែលលោកអ្នកអាចឃើញនៅខាងឆ្វេងដៃ. ទោះបីជាវាគ្រាន់តែជាសាឡាត់ក៏ប៉ុន្តែវាសម្បូរទៅដោយសាច់ហើយលោកអ្នកអាចញ៉ាំវាដោយខ្ចប់វាចូលទៅក្នុងនំបន្ទះស្ដើងជាមួយនឹងទឹកជ្រលក់ហ្កូកាម៉ូលបន្ថែមហេតុដូច្នេះចំនួនគឺគ្រប់គ្រាន់.

នេះគឺជាឈុតម្ហូបប៊ីដែលមានម្ហូបហ្កតហ្វាជីតា. មកនេះមានដំឡូងបារាំងបំពង, ហ្កូកាម៉ូល, ទឹកម្ទេសនិងទឹកជ្រលក់ជូរ. បើសិនជាអ្នកដាក់ជីវ៉ាន់ស៊ុយជាមួយនឹងគ្នាហើយដាក់ទៅលើនំបន្ទះស្ដើងវានឹងកាន់តែបន្ថែមរសជាតិទៅទៀត. មុខម្ហូបទាំងពីរនេះគឺមានគ្រឿងផ្សំជាច្រើនហេតុដូច្នេះវាមានរសជាតិខុសៗគ្នាហើយគ្រឿងផ្សំនីមួយៗគឺស៊ីចម្រៅនឹងគ្នាក៏ប៉ុន្តែពួកវាអត់បាត់បង់លក្ខណៈពិសេសរបស់ពួកវាឡើយអញ្ចឹងទើបខ្ញុំមានអារម្មណ៍ថាសប្បាយចិត្តនៅពេលដែលញ៉ាំវា.

បន្ថែមជាមួយនឹងទឹកម៉ូជីតូផ្លែប៉ោម, ភេសជ្ជៈដែលល្បីជាងគេក្នុងចំណោមទាំងអស់. ហាងនេះគឺមាន ៤សាខានៅផ្លូវសុងរ៉ីដានហ្កិល, សួនច្បារអូឡាំពិច, សុងស៊ូ (តុកសម), និងយុនណាម (ហុងដេ).

• ម្ហូបអាហារ ★★★★★

រសជាតិ, ចំនួន, និងរូបរាងគឺល្អទាំងអស់!

• អនាម័យ ★★★☆☆

ធម្មតា

• សេវាកម្ម ★★★☆☆

ធម្មតា

• បរិយាកាស ★★★☆☆

ផ្នែកខាងក្នុងគឺគួរសមជាមួយនឹងតម្លៃសមរម្យ, ក៏ប៉ុន្តែវារាងអ៊ូអរបន្តិចដោយសាតែមានមនុស្សច្រើន.

• ភាពងាយស្រួល ★★★★★

ដើរ ៤នាទីពីច្រកចេញទី ១ជួរទី ៩នៃស្ថានីយសុងផាណារ៉ូ.

• ម៉ោងធ្វើការ: ១១:០០~២២:០០, ម៉ោងសម្រាកចាប់ពី ១៥:០០~១៦:១០លើកលែងតែថ្ងៃចុងសប្តាហ៍
• ចំនួនមនុស្សណែនាំ: ២នាក់ (តុអង្គុយភាគច្រើនគឺសម្រាប់តែមនុស្សពីរនាក់អញ្ចឹងលោកអ្នកអាចយកកន្លែងអង្គុយបានយ៉ាងលឿន)
• ម្ហូបណែនាំ: ហ្កតបូ, ហ្កតហ្វាជីតា, ទឹកម៉ូជីតូផ្លែប៉ោម
• តម្លៃ: ១៥,០០០វ៉ុនសម្រាប់ហ្កតបូ, ២០,០០០វ៉ុនសម្រាប់ហ្កតហ្វាជីតា, ៥,០០០វ៉ុនសម្រាប់ទឹកម៉ូជីតូផ្លៃប៉ោមភាពទាក់ទាញ: កន្លែងអង្គុយជាក្រុម, ខ្ចប់យកទៅ, ដឹកជញ្ជូន, ហ្រ្វី Wifi

អាសយដ្ឋាន: ៤-១៤ បែកជេហ្កូប៊ុននូ ៤៥ហ្កិល, ខណ្ឌសុងផាហ្កូ, ទីក្រុងសេអ៊ូល.