នៅជុំវិញវាំងខ្យុងបុកហ្កុងនៅជើងភ្នំអុីនវ៉ាងសានផ្ទះចាស់ហានណុកបានប្រមូលផ្ដុំគ្នា. បើសិនជាលោកអ្នកទៅរាងឆ្ងាយបន្តិចលោកអ្នកអាចឃើញភាពខុសគ្នារវាងផ្ទះហានណុកនិងអាគារនៅតំបន់ចុងនូនិងសាលាក្រុង. សរឆុនស្ថិតនៅកណ្ដាលនៃទីក្រុងសេអ៊ូលក៏ប៉ុន្តែពេលវេលាបានបញ្ឈប់នៅទីនេះ. ថ្ងៃនេះខ្ញុំសូមណែនាំហាង 'ផ្ទះបាយសុង' ហាងម្ហូបអាហារដែលបានកែច្នៃផ្ទះចាស់ហានណុកនៅលើផ្លូវសរឆុន.

នៅច្រកចេញចូលទីកន្លែងដែលមានផ្កាទទួលស្វាគមន៍អ្នក.

លោកអ្នកអាចឃើញផ្នែកខាងក្នុងបែបចាស់បុរាណដឺលមើលទៅសឹងតែដូចសារមន្ទីរវត្ថុបុរាណទៅហើយ.

តើភាពខុសគ្នារវាងវត្ថុបូរាណនិងចាស់គឺអ្វី? ខ្ញុំអាចទទួលបានអារម្មណ៍អំពីការថែទាំវត្ថុនៅក្នុងហាងយ៉ាងខ្លាំងដើម្បីបញ្ចូលជាមួយដោយមិនបានបំបែកវត្ថុដែលមាននៅនោះស្រាប់.

នៅសួនខាងក្រោយគឺមានតុដ៏ល្អដែលអាចប្រើប្រាស់ជាវត្ថុនៅក្នុងរឿងកុនបាន. វាពិតជាល្អដែលមានពេលវេលាដ៏ល្អជាមួយនឹងមនុស្សដែលល្អ.

ពីដានរបស់ផ្ទះហានណុកតែហាក់មើលទៅដូចជានៅក្នុងពោះរបស់ត្រីបាឡែនអញ្ចឹងគឺជាភាពទាក់ទាញរបស់ហាងផ្ទះហានណុកនេះ. ក្រដាស់កាសែតនិងខ្សែភ្លើងនៅលើពីដានបាទបង្ហាញពីប្រវត្តិដ៏វែងរបស់ហាងនេះ.

ខ្ញុំមិនហ៊ានបើកទ្វាបន្ទប់ទឹកដ៏ចាស់នេះទេ. កន្លែងដែលបង្ហាញពីពេលវេលាជាវត្ថុតាង, កន្លែងដែលគួរឲ្យខ្លាចបំផុតគឺបន្ទប់ទឹកតើត្រូវទេ? វាសម្រាប់ទាំងបុរសនិងស្ត្រី. ខ្ញុំជឿជាក់ថានៅខាងក្នុងប្រាកដជាស្អាត.

បើសិនជាអ្នកអង្គុយចុះលោកអ្នកនឹងទទួលបានមឺនុយដ៏ក្រាស់មួយ.

ខ្ញុំថាមនុស្សជាច្រើនមកទីនេះដើម្បីបញ្ចូលអារម្មណ៍ជាមួយនឹងបរិយាយកាសជាមួយនឹងស្រាលនៅពេលល្ងាច. ពួកគេក៏មានឈុតម្ហូបដែលសាកសមជាមួយនឹងបៀរ.

ម្ហូបចម្បងរបស់ហាងគឺនំអង្ករតុកប៊ុកហ្គីគ្រឿងសមុទ្រនិង

នំភីហ្សារូកូឡា.

ភាគច្រើនគឺជាមុខម្ហូបអ៊ីតាលី, ក៏ប៉ុន្តែក៏មានម្ហូបប្រទេសនិងស្តាយផងដែរ.

ខ្ញុំពិតជាឆ្ងល់អំពីស្រាក្រឡុក 'សុងជូ' ប៉ុន្តែខ្ញុំនឹងសាកល្បងវានៅលើកក្រោយ.

នៅពេលដែលខ្ញុំមើលមឺនុយ

នេះគឺជានំភីហ្សារូកូឡាដែលខ្ញុំបានកម្មង់. វាគឺជានំភីហ្សាដែលមានខ្នាតធំគួរសមប្រហាក់ប្រហែលទៅនឹងបាតដៃរបស់មនុស្សធំ. ប្រាកដណាស់វាគឺជានំភីហ្សាស្ដើង.

នេះគឺជាជ្រក់ដែលល្បីល្បាញថាឆ្ងាញ់ដូចដែលម្ហូបចម្បងផងដែរ. ពួកគេធ្វើវាដោយខ្លួនឯងហើយវាពិតជាស្រួយខ្លាំងណាស់.

តើនំភីហ្សារូកូឡាថ្មីមើលទៅឆ្ងាញ់ណាស់ត្រូវទេ?

ភាពផ្សំគ្នារវាងនំភីហ្សាប្រៃនិងរូកូឡាល្វិញគឺពិតជាឆ្ងាញ់ខ្លាំង. ម្សៅនំនៅគៀនគឺស្រួយហើយខាងក្នុងគឺស្វិត. ទឹកប៉េងប៉ោះនឹងឈីសដ៏ច្រើនបន្ថែមនូវរសជាតិ. ហើយរូកូឡាដែរបញ្ចេញគ្រប់ពេលដែលខ្ញុំទំពារធ្វើឲ្យខ្ញុំកាន់តែបន្តចង់ញ៉ាំ.

ទាំងការណាត់ជួបគូសង្សារនិងការជួបជុំគ្នា, ផ្ទះបាយសុងគឺជាហាងអាហារដ៏ល្អមួយ.

• ម្ហូបអាហារ ★★★★☆

វាហាក់មើលទៅខុសប្លែកហើយសោះក៏ក្រោះនៅខាងក្រៅក៏ប៉ុន្តែបើសិនជាអ្នកសាកល្បងញ៉ាំវាអ្នកប្រាកដជាដឹងពីជំនាញរបស់គេ.

• អនាម័យ ★★★☆☆

វាមានកំណត់ដោយនេះគឺជាផ្ទះចាស់ហានណុក. តុអាហាររាងស្អិតបន្តិច.

• សេវាកម្ម ★★★★☆

ផ្នែកសេវាកម្មយកចិត្តទុកដាក់

• បរិយាកាស ★★★★☆

បរិយាកាសបែបបន្ធូរអារម្មណ៍និងធម្មជាតិចេញពីភាពចាស់បូរាណ

• ភាពងាយស្រួល★★★★☆

ដើរ ៨នាទីពីច្រកចេញទី ២ជួរទី ៣នៃស្ថានីយខ្យុងប៊ុកហ្កុង. អត់មានចំណតឡាន.

• ម៉ោងធ្វើការ: ១១:៣០~២២:២០
• ម៉ោងសម្រាក: ថ្ងៃក្នុងសប្តាហ៍ ១៤:៣០~១៦:៣០ (ការកម្មង់ចុងក្រោយ ១៤:៣០/២១:០០)
• ថ្ងៃចុងសប្តាហ៍ ១៥:០០~១៦:០០ (ការកម្មង់ចុងក្រោយ ១៤:៣០/២១:០០)
• ចំនួនមនុស្សណែនាំ: ចាប់ពី ២នាក់ឡើងទៅ
• ម្ហូបណែនាំ: នំភីហ្សារូកូឡា, នំអង្ករតុកប៊ុកហ្គីរឿងសមុទ្រល្ពៅផ្អែម
• តម្លៃ: នំភីហ្សារូកូឡា ២៤,០០០វ៉ុន, នំអង្ករតុកប៊ុកហ្គីគ្រឿងសមុទ្រល្ពៅផ្អែម ២៦,០០០វ៉ុន, ស្រាក្រឡុកសុងជូ ៧,០០០វ៉ុន
• ភាពទាក់ទាញ: កន្លែងអង្គុយជាក្រុម, ហ្វ្រី Wifi

អាសយដ្ឋាន: ៣៥-៣ ភីលុនដេរ៉ូ, ខណ្ឌចុងនូហ្កូ, ទីក្រុងសេអ៊ូល.