នៅក្នុងឆ្នាំ ២០០៧, រយៈពេល ១៣ ឆ្នាំមកហើយ, មានរឿងភាគកូរ៉េឈ្មោះ 'ព្រះរាជបុត្រកាហ្វេ' ដែលគឺជារឿងមួយដែលល្បី. ហាងកាហ្វេនេះ 'សានម៊ូតុងអុី (កែងផ្លូវរបស់ភ្នំ)' គឺជាផ្ទះរបស់តួឯកក្នុងរឿងនឹង. ជាដើមឡើយវាគឺជាផ្ទះក៏ប៉ុន្តែដោយសារតែភាពល្បីល្បាញរបស់រឿងគេបានកែច្នៃវាចេញជាហាងកាហ្វេវិញ.

ឡានពណ៌លឿងនេះគឺជារបស់តួនៅក្នុងរឿង, ឡានរបស់លោកឈយហានសុង (លីសុនឃ្យុន). វាគឺជាចំណតតែមួយគត់. នេះគឺជាផ្ទះឯកជនហើយដូចដែលឈ្មោះរបស់វា, វាស្ថិតនៅជើងភ្នំហើយផ្លូវព័ទ្ធជុំវិញគឺតូចចង្អៀតអញ្ចឹងពិតជាពិបាកទៅដល់ទីនោះដោយប្រើប្រាស់មធ្យោបាយធ្វើដំណើរសាធារណៈ.

អំឡុងពេលរឿងភាគកូរ៉េល្បីល្បាញនៅប្រទេសជប៉ុនប្រហែលជាមានភ្ញៀវទេចរណ៍ជប៉ុនជាច្រើនបានមកទីនេះ. នៅទីនេះក៏មានអត្ថបទណែនាំអំពីកន្លែងនេះនៅក្នុងទស្សនាវដ្ដីជប៉ុននិងក្រដាសសំគាល់ក្នុងភាសាជប៉ុន. នៅទីនេះក៏មានរូបថតរបស់តួឯកទាំងបួននិងវត្ថុតុបតែងដែលប្រើប្រាស់នៅក្នុងរឿងក៏បានតាំងនៅទីនេះផងដែរ.

ពួកគេក៏មាននាមប័ណ្ណឈ្មោះដែលមានភាសាបួនខុសគ្នា.

តើអ្នកមិនរំពឹងទុកទេថាទេសភាពខាងក្រៅមើលពីក្នុងទៅវាស្រស់ស្អាតយ៉ាងណា?

ជាការពិតទេសភាពគឺអស្ចារ្យខ្លាំងជាងអ្វីដែលខ្ញុំរំពឹងទុក. ដោយសារតែខ្ញុំបានដើរទៅលើភ្នំមួយភ្លែតទេសភាពកាន់តែអស្ចារ្យជាងនេះ.

កន្លែងអង្គុយគឺពិតជាល្អសម្រាប់គយគន់មើលទេសភាព.

នេះគឺជាទេសភាពខាងក្រៅនៃហាងកាហ្វេ. ទោះបីជាអាកាសធាតុក្ដៅក៏ភ្ញៀវមិនបោះបង់ចោលការអង្គុយនៅខាងក្រៅក្រោមឆ័ត្រដើម្បីគយគន់មើលទេសភាព.

ខ្ញុំក៏អាចមើលឃើញកំពូលភ្នំនិងបន្ទាយពីចម្ងាយផងដែរ. កន្លែងអង្គុយខាងក្រៅគឺល្អឥតខ្ចោះទោះបីជាអ្នកអង្គុយមួយណាក៏ដោយ.

ការពិតវត្ថុតុបតែងនៅទីនេះគឺគ្មានប្រធានបទ. ខ្ញុំអាចយល់បានពីការយូរឆ្នាំរបស់ហាងកាហ្វេដែលបានឈរជើងរយៈពេល ១៣ឆ្នាំមក.

វាមិនមែនជាហាងកាហ្វេធំដែលយើងធ្លាប់ឃើញសព្វថ្ងៃក៏ប៉ុន្តែនៅទីនេះមានទីធ្លាលាក់ខ្លួនជាច្រើនអញ្ចឹងពិតជាសប្បាយក្នុងការមើលជុំវិញ.

នៅទីនេះមានកន្លែងអង្គុយច្រើនគួរសមនៅជាន់ទី ២. ជាន់នីមួយៗមានបរិយាកាសខុសៗគ្នា.

នៅវានដាខាងក្រៅជាន់ទី ២ក៏មានតុអង្គុយផងដែរ.

នៅជាន់ទី ២កន្លះក៏មានតុអង្គុយច្រើន.

បើសិនជាអ្នកចុះមកខាងក្រោមជាន់ក្រោមដីអ្នកនឹងរកឃើញពីកន្លែងដ៏ភ្ញាក់ផ្អើលមួយ.

ទេសភាពខាងក្រៅគឺល្អក៏ប៉ុន្តែវាពិតជាសប្បាយរីករាយក្នុងការរុករកមើលខាងក្នុងអញ្ចឹងបើសិនជាអ្នកមកទីនេះគួរតែដើរមើលគ្រប់ទីកន្លែង.

សរុបសេចក្ដីមកវារាងថ្លៃបន្តិច. ក៏ប៉ុន្តែបើសិនជាគិតអំពីទេសភាពវាមិនមែនជាការចំណាយលុយខ្ជះខ្ជាយទេ.

ខ្ញុំបានញ៉ាំអាហារថ្ងៃត្រង់មុនពេលខ្ញុំមកទីនេះប៉ុន្តែដោយសារផ្លូវពិបាកពេកខ្ញុំក៏ឃ្លានអ្វីមួយដែលផ្អែម. ខ្ញុំបានកុម្ម៉ង់កាហ្វេខ្មៅទឹកកក, នំខេកអូពេរ៉ា, និងនំខេករ៉ាសប៊ឺរី.

វាប្រហែលជាល្អឥតខ្ចោះបើសិនជាម្ហូបមានរសជាតិឆ្ងាញ់ក្នុងទេសភាពបែបនេះទាំងកាហ្វេនិងនំខេកគឺមានរសជាតិក្រោមបែបសាមញ្ញទៅទៀត. ប្រហែលជាពីព្រោះតែហាងកាហ្វេសព្វថ្ងៃនេះគឺមានគុណភាពខ្ពស់. កាហ្វេអត់មានរសជាតិខ្លោច, ប៉ុន្តែវាស្រាលខ្លាំងពេក, ហើយនំខេកមានរសជាតិផលិតផលខាងក្រៅ. ម្ហូបរបស់ពួកគេមិនល្អបំផុតក៏ប៉ុន្តែការចំណាយទាំងអស់នេះក៏មិនថ្វីដោយសារតែទេសភាពគឺល្អខ្លាំង.

• ម្ហូបអាហារ★★☆☆☆

មានតែទេសភាពទេដែលល្អ.

• អនាម័យ ★★☆☆☆

គ្មានអ្វីដែលអាចបំបែកពេលវេលាបាន. ទោះបីជាពួកគេខំប្រឹងមើលថែនិងបោះជូតយ៉ាងណាក៏វាមានកំណត់.

• សេវាកម្ម★★☆☆☆

ពិតជាពិបាកក្នុងការទទួលភាពរាក់ទាក់. គ្មានសូម្បីតែ Wifi.

• បរិយាកាស ★★★★☆

ជាការពិតបរិយាកាសខាងក្នុងគឺគ្មានអ្វីនិយាយច្រើន. បរិយាកាសខាងក្រៅគឺល្អឥតខ្ចោះ.

• ភាពងាយស្រួល★☆☆☆☆

ជិះឡានក្រុងលេខ ១០២០, ២១២, ៧០២២ ពីច្រកចេញទី ៣ជួរទី ៣នៃស្ថានីយឃ្យុងបុកហ្កុង, ចុះនៅការិយាល័យបោមដុង, ដើរ ៧០០ម៉ែត.

• ម៉ោងធ្វើការ: ១១:០០~២២:០០ (បិទនៅថ្ងៃបុណ្យជាតិ)
• ចំនួនមនុស្សណែនាំ: ចាប់ពី ១ឡើងទៅ. នៅទីនេះមានកន្លែងអង្គុយជាក្រុមអញ្ចឹងវាពិតជាល្អសម្រាប់មនុស្សជាច្រើនប៉ុន្តែវាក៏ល្អម្យ៉ាងបើសិនអ្នកគយគន់ទេសភាពម្នាក់ឯង.
• តម្លៃ: ចាប់ពី ៧,០០០វ៉ុនសម្រាប់ភេសជ្ជៈ.
• ភាពទាក់ទាញ: មានបន្ទប់ទឹកផ្សេងគ្នា, មានកន្លែងអង្គុយជាក្រុម.

អាសយដ្ឋាន: ១៥៣ បេកសុខដុងហ្កិល, ខណ្ឌចុងនូហ្កូ, ទីក្រុងសេអ៊ូល.