ម្ហូបប្រចាំរដូវក្ដៅនោះគឺមីត្រជាក់. ក្នុងចំណោមទាំងអស់នោះ, មីនេងម៉្យុនភ្យុងយ៉ាង (មីត្រជាក់), ដែលសំបូរនៅទឹកស៊ុបត្រជាក់, ដែលធ្វើឲ្យខ្ញុំមានអារម្មណ៍ថាត្រជាក់ដោយគ្រាន់តែស្រមៃដល់វា. ថ្ងៃនេះខ្ញុំសូមណែនាំអ្នកជាមួយនឹងហាង 'ហ្កាងសរម៉ុននុក', សាខាអាប់ហ្គូចុង, ដែលល្បីឈ្មោះក្នុងការដឹកជញ្ជូនមីត្រជាក់ទៅដល់ចុងវ៉ាដេ (ផ្ទះខៀវ).

ប្រវត្តិរបស់ហាងនេះគឺបានគេណែនាំនៅក្នុងមឺនុយ. វាចាប់ផ្ដើមនៅក្នុងឆ្នាំ ១៩៤៨ នៅហ្កាងសរ, ភ្យុងណាម. វាបានដឹកជញ្ជូនទៅដល់ចុងវ៉ាដេដោយគេទទួលស្គាល់ថានេះគឺជាមីត្រជាក់បុរាណរបស់កូរ៉េខាងជើង, ហើយវាក៏បានចែកចាយអំឡុងពេលការប្រជុំរវាងផ្ទៃក្នុងផងដែរ.

ជាការពិតណាស់ខ្ញុំបានកម្ម៉ង់មីនេងម៉្យុនភ្យុងយ៉ាង, ម្ហូបប្រចាំហាង. ខ្ញុំគឺជាអ្នកគ្រាំទ្រគីមីប៊ីប៊ីមនេងម៉្យុន (មីត្រជាក់ហឹរដោយគ្មានទឹកស៊ុប), ហើយខ្ញុំពិតជាឆ្ងល់ថារសជាតិវាដូចម្ដេចនៅទីនេះ.

មានកន្លែងអង្គុយនៅជាន់ទីមួយនិងជាន់ទីពីរ, ហើយនៅជាន់ទីមួយគឺមានតុអង្គុយនៅទីធ្លាបើកធំទូលាយ, ហើយនៅជាន់ទីពីរគឺមានទីធ្លាបែងចែកដាច់ដោយឡែក.

ក៏មានពាក្យណែនាំអំពីរបៀបញ៉ាំមីត្រជាក់នេះយ៉ាងឆ្ងាញ់ផងដែរ. ១. កុំកាត់មីជាមួយនឹងកន្ត្រៃក៏ប៉ុន្តែញ៉ាំវាទាំងអញ្ចឹង. ២. ភ្លក់រសជាតិទឹកស៊ុបមីត្រជាក់សិនរួចបានដាក់ទឹកជ្រលក់ម៉ូស្តាតឬក៏ទឹកខ្មេះតាមតម្រូវរសជាតិរបស់អ្នក. ៣. បើសិនជាអាចញ៉ាំមីយ៉ាងពេញមាត់ហើយហត់ទឹកស៊ុបផង. ខ្ញុំនឹងសាកល្បងធ្វើតាម.

នេះគឺជាគីមឈីយ៉ល់មូនិងគីមឈីឆៃថាវគឺឆ្ងាញ់ទាំងអស់. រស់ជាតិស្រួយនិងត្រជាក់គឺល្អឥតខ្ចោះ.

មីត្រជាក់បានយកចេញមក. វាមានរូបរាងបែបសុភាពប្រៀបធៀបទៅនឹងមីត្រជាក់ច្របល់ដែលមានពណ៌ឆើតឆាយ.

ភ្យុនយ៉ុក (សាច់ជ្រូកស្ងោរ) គឺបានចំអិនយ៉ាងល្អហេតុដូច្នេះគឺវាមិនស្ងួតក៏ប៉ុន្តែស្វិតនិងមានជាតិទឹកច្រើន.

មីនៅទីនេះគឺបានចម្អិនយ៉ាងហ្មត់ចត់ហេតុដូច្នេះរសជាតិរបស់វាឆ្ងាញ់ហើយមិនងាយជ្រាបទឹក. តាមអ្វីដែលបានណែនាំញ៉ាំមីនិងហត់ទឹកស៊ុបនៅក្នុងពេលតែមួយធ្វើឲ្យរសជាតិវាកាន់តែឆ្ងាញ់ដោយលាយគ្នានៃរសជាតិមីនិងទឹកស៊ុបនៅក្នុងមាត់របស់ខ្ញុំ. វាមានភាពទាក់ទាញយ៉ាងខ្លាំង. ខ្ញុំការពិតទៅចូលចិត្តញ៉ាំមីប៊ីប៊ីមនេងម៉្យុន, ក៏ប៉ុន្តែបើសិនជាខ្ញុំមកទីនេះម្ដងទៀត, ខ្ញុំគិតថាខ្ញុំនឹងជ្រើសរើសយកមីនេងម៉្យុនភ្យុងយ៉ាងដ៏ដែរទេ.

មីនេងម៉្យុនភ្យុងយ៉ាងរបស់ហាងហ្កាងសរម៉្យុននុកនឹងធ្វើឲ្យអ្នកត្រជាក់រហូតដល់ខួរក្បាលនៅថ្ងៃរដូវក្ដៅនេះ.

• ម្ហូបអាហារ ★★★★☆

ត្រជាក់, រៀបរយ, ឆ្ងាញ់. វាគឺល្អឥតខ្ចោះ.

• អនាម័យ ★★★★☆

សរុបសេចក្តីមកគឺស្អាតបាត.

• សេវាកម្ម ★★★☆☆

ធម្មតា

• បរិយាកាស ★★★☆☆

វារាងរញ៉េរញ៉ៃហើយការកម្មង់បន្ថែមគឺរាងពិបាកបន្តិចពីព្រោះតែទីធ្លាបានបែងចែកដាច់.

• ភាពងាយស្រួល ★★★☆☆

ដើរ ៩នាទីពីច្រកចេញទី ៥ជួរប៊ុនដាំងនៃស្ថានីយអាប់ហ្គូចុងរ៉ូឌីអូ.

• ម៉ោងធ្វើការ: ១១:០០~២១:៣០
• ចំនួនមនុស្សណែនាំ: ចាប់ពីពីរឡើងទៅ
• ម្ហូបណែនាំ: មីនេងម៉្យុនភ្យុងយ៉ាង
• តម្លៃ: ១៣,០០០វ៉ុន
• ភាពទាក់ទាញ: កន្លែងអង្គុយជាក្រុម

អាសយដ្ឋាន: ១៩អន់ជូរ៉ូ ១៦៤ហ្កិល, ខណ្ឌហ្កាងណាមហ្គូ, ទីក្រុងសេអ៊ូល.